Rossiya va Ukraina «90 ga 90» formulasi bo‘yicha asirlar almashdi
Milliy gvardiya, hududiy mudofaa kuchlari askarlari va chegarachilar Rossiya asirligidan qaytishdi. Ularning aksariyati Mariupolni himoya qilishda qatnashgan, dedi Ukraina prezidenti Volodimir Zelenskiy.

Foto: Telegram / V_Zelenskiy_official
Rossiya va Ukraina harbiy asirlarni «90 ga 90» formulasiga ko‘ra almashishdi. Bu haqda ikki davlat rasmiylari 25 iyun, seshanba kuni ma’lum qildi. Birlashgan Arab Amirliklari (BAA) muzokaralar jarayonida vositachi sifatida ishtirok etdi.
Ukraina prezidenti Volodimir Zelenskiy Milliy gvardiya, hududiy mudofaa kuchlari askarlari va chegarachilar asirlikdan qaytganini ma’lum qildi. «Biz Rossiya asirligidagi barcha fuqarolarimizni unutmaymiz», - deya qo‘shimcha qildi Ukraina rahbari.
Harbiy asirlar bo‘yicha muvofiqlashtiruvchi shtab ma’lumotlariga ko‘ra, Kiyev Mariupolning 59 himoyachisini almashishga muvaffaq bo‘ldi, ulardan 52 nafari «Azovstal» mudofaasida qatnashdi. Xerson, Donetsk, Xarkiv, Zaporijjya va Luhansk yo‘nalishlarida qo‘lga olinganlar ham Ukrainaga qaytdi.
Rossiya Mudofaa vazirligi matbuot xizmati Ukraina asirligidagi rossiyalik harbiy xizmatchilar «o‘lim xavfi»ga duch kelganini ma’lum qildi.
Kiyev: Rossiyada 8000 dan ortiq ukrainalik asirlikda
24 yanvar kuni harbiy asirlar bo‘yicha muvofiqlashtiruvchi shtab vakili Yuriy Taranyukning ma’lum qilishicha, kamida 8 ming ukrainalik, jumladan tinch aholi vakillari ham Rossiya asirligida. Uning qo‘shimcha qilishicha, shtab janglarda bedarak yo‘qolgan o‘n minglab boshqa ukrainaliklarni qidirishda davom etmoqda. Shu bilan birga, Taranyuk bedarak yo‘qolganlarning aksariyati Rossiya Federatsiyasida asirlikda, deb hisoblaydi.
Bundan tashqari, Rossiya Federatsiyasi keng miqyosli hujum boshlaganidan beri Ukraina tergov organlari rus askarlari tomonidan ukrainalik harbiy asirlarni qatl etishning 54 ta holatidan xabar topgan.
Tavsiya etamiz
Qizaloqqa qarshi armiya: Greta Tunberg G‘azoga yetib borolmadi
Jahon | 17:45 / 11.06.2025
So‘m 2 haftada 2 foizga mustahkamlandi. Qanday qilib?
Iqtisodiyot | 18:57 / 10.06.2025
Iyunda ob-havo nisbatan salqin bo‘lishi kutilmoqda
O‘zbekiston | 16:47 / 10.06.2025
O‘zbekiston Mobiuz kompaniyasini xalqaro sotuvga qo‘ydi
O‘zbekiston | 23:10 / 09.06.2025
So‘nggi yangiliklar
Mavzuga oid

13:38
Tramp: «Aftidan, Putinga Rossiyaning Ukrainadagi yo‘qotishlari ahamiyatsiz»

11:33
Germaniya Ukrainaga TAURUS raketalarini yetkazib berish haqida «o‘ylamayapti»

23:40 / 12.06.2025
Tramp Ukraina va Rossiya o‘rtasidagi muzokaralar bo‘yicha yangi bayonot berdi

21:34 / 12.06.2025