Isroilning G‘azoda urushni davom ettirishdan boshqa iloji yo‘q - Netanyahu
Bosh vazir Isroil anklavdagi barcha maqsadlariga erishmaguncha urushni to‘xtatmasligini aytdi.

Foto: AFP
Isroil bosh vaziri Binyamin Netanyahu o‘z mamlakati G‘azo sektorida janglarni davom ettirishdan boshqa «iloji» yo‘qligini aytdi.
Uning ta’kidlashicha, anklavdagi urush barcha maqsadlar – HAMAS yo‘q qilingan, barcha garovga olinganlar ozod etilgan va kelajakda anklav Isroil uchun xavf tug‘dirmasligi ta’minlangandagina yakunlanadi.
G‘azo Sog‘liqni saqlash vazirligi ma’lumotlariga ko‘ra, so‘nggi ikki kun ichida Isroilning sohilga bergan zarbalari oqibatida kamida 92 nafar falastinlik halok bo‘ldi, 200 nafari yaralandi.
Payshanba kuni HAMAS Isroilning G‘azo sektorida vaqtinchalik o‘t ochishni to‘xtatish haqidagi taklifini rasman rad etdi va Isroilning G‘azodan chiqib ketishi bilan bog‘liq bo‘lmagan har qanday sulhni qabul qilishdan bosh tortish niyatini takrorladi.
18 mart kuni Isroil Qatar, Misr va Qo‘shma Shtatlar vositachiligida tuzilgan o‘t ochishni to‘xtatish kelishuviga barham berganidan beri Isroilning G‘azo bo‘ylab uyushtirgan hujumlari oqibatida 1800 nafarga yaqin odam halok bo‘ldi va 4700 nafarga yaqin kishi jarohatlandi.
G‘azo Sog‘liqni saqlash vazirligi ma’lumotlariga ko‘ra, G‘azo sektorida halok bo‘lganlar soni 51 157 kishiga yetdi. G‘azo sog‘liqni saqlash vazirligi manbalariga tayangan BMT, o‘lim holatlarining uchdan ikki qismidan ko‘prog‘ini ayollar va bolalar tashkil etganini aytadi.
HAMAS hozir 59 nafar isroillikni garovda ushlab turibdi, ulardan 24 nafari tirik ekani taxmin qilinmoqda.
Tavsiya etamiz
Modrich «Real»ni tark etadi
Sport | 20:38 / 22.05.2025
Suriya Isroil bilan murosa qiladimi?
Jahon | 15:40 / 22.05.2025
Sun’iy intellekt dunyodagi har to‘rtinchi ish o‘rniga ta’sir ko‘rsatmoqda - BMT
Jahon | 21:49 / 21.05.2025
Hindistonda firibgar kelin yetti oyda 25 nafar kuyovni aldadi
Jahon | 21:32 / 21.05.2025
So‘nggi yangiliklar
-
Rossiya memorandumni imzolash uchun Zelenskiyni chetlatishni talab qilmoqda
Jahon | 15:51
-
Istanbulda O‘zbekiston fuqarolarini ishga joylashtirish masalasi muhokama qilindi
O‘zbekiston | 15:02
-
Bank of Georgia rossiyaliklarning lyuks do‘konlardagi xaridlarini chekladi
Jahon | 14:36
-
Termiz shahriga yangi hokim tayinlandi
O‘zbekiston | 14:35
Mavzuga oid

08:23
AQShda isroilliklarni otib o‘ldirgan shaxsga ayblov qo‘yildi

16:51 / 22.05.2025
Vashingtonda Isroil elchixonasining ikki xodimi otib o‘ldirildi

10:48 / 22.05.2025
BMT G‘arbiy sohilda diplomatlarga qarata o‘q uzilganini qoraladi

10:15 / 22.05.2025