Istanbulda O‘zbekiston fuqarolarini ishga joylashtirish masalasi muhokama qilindi
O‘zbekiston delegatsiyasi amaliy tashrif bilan Turkiyaning Istanbul shahriga bordi.

Foto: Dunyo
Safar davomida o‘zbek diasporasi faollari, jumladan, madaniyat markazlari va jamoat birlashmalari rahbarlari, shuningdek, mamlakat fuqarolarini mehnat faoliyatiga jalb qilishdan manfaatdor bo‘lgan turk kompaniyalari vakillari bilan uchrashuvlar o‘tkazildi.
Ularda "O‘zbekiston madaniyati – birdamlik va hamkorlik jamiyati" rahbari Cho‘qay Ko‘char, "O‘zbekiston xotin-qizlari huquqlarini himoya qilish jamiyati" direktori Ozoda Islomova, "O‘zbekiston sanoatchilari va tadbirkorlari xalqaro jamiyati" rahbari Furqat Olimjonov va boshqalar qatnashdi.
Suhbat chog‘ida hamyurtlar huquq va manfaatlarini ta’minlash, qonuniy mehnat faoliyatini himoya qilish va ijtimoiy moslashuvi uchun qulay shart-sharoitlar yaratish istiqbollari muhokama qilindi. O‘zbek diasporal tashkilotlarini jipslashtirish, ularni madaniy-ma’rifiy loyihalarga jalb etish masalalariga alohida to‘xtalib o‘tildi.
Shuningdek, O‘zbekiston fuqarolarini mehnat faoliyatiga jalb qilishdan manfaatdor bo‘lgan Turkiyaning Rixos Hotel A.Ş, Sheraton Hotel A.Ş, Kalyon A.Ş, Ziraat Tarım, Hayvancılık ve Yatırım A.Ş, Cengiz Holding, MedLoc Logistics va Eczacıbaşı Holding kompaniyalari vakillari bilan muzokaralar o‘tkazildi. Unda mehnat migratsiyasi sohasidagi hamkorlikni kengaytirish, migrantlarning huquqlarini himoya qilish ko‘lamini oshirish masalalari xususida fikr almashildi.
Bundan tashqari, safar davomida Turkiyaning chet el fuqarolari huquqlarini himoya qilishga ixtisoslashgan yetakchi yuridik firmasi rahbariyati bilan uchrashuv o‘tkazildi. Muloqot chog‘ida Turkiya hududida vaqtincha yashayotgan va ishlayotgan O‘zbekiston fuqarolariga huquqiy yordam ko‘rsatish bo‘yicha hamkorlikning aniq yo‘nalishlari ko‘rib chiqildi.
Tavsiya etamiz
Kredit olishga taqiq va Freeze xizmati: ularning farqi nima?
Jamiyat | 09:02 / 26.06.2025
Imtihon yaqin: bu yil abituriyentlarni nimalar kutyapti? – eng muhim savollarga rasmiylardan javoblar
O‘zbekiston | 12:11 / 25.06.2025
Eronning amaldagi siyosiy tizimi. U qanday paydo bo‘lgandi?
Jahon | 19:30 / 24.06.2025
Urushga qo‘shilgan AQSh, «butun Ukraina bizniki» degan Putin – hafta dayjesti
Jahon | 18:52 / 22.06.2025
So‘nggi yangiliklar
-
Turkiya: ota-onalar dam oladigan, bolalar esa baxtiyor bo‘ladigan ta’til
Jamiyat | 19:00 / 27.06.2025
-
Ukraina Volgograddagi harbiy aerodromga hujum qildi. Ikkita Su-34 samolyoti yo‘q qilingani aytilmoqda
Jahon | 23:31 / 27.06.2025
-
Toshkent metrosida yosh bola poyezd yo‘liga tushib ketgani rad etildi
Jamiyat | 23:04 / 27.06.2025
-
Toshkentda tirbandliklarni prognoz qiladigan markaz ish boshladi, aka 3 yoshli ukasini sotuvga qo‘ydi, Kun.uz jurnalisti «Oltin qalam» bilan taqdirlandi – mahalliy dayjest
O‘zbekiston | 22:53 / 27.06.2025
Mavzuga oid

20:04 / 26.06.2025
Andijon va Jizzaxda tibbiyot birlashmalariga pul evaziga ishga joylashtirishni va’da qilgan shaxslar ushlandi

14:30 / 19.06.2025
Rossiya Ukraina bilan Istanbul kelishuvlarini amalga oshirishga to‘liq tayyorligini ma’lum qildi

13:24 / 19.06.2025
Istanbulda qidiruvdagi ayol qo‘lga olinib, O‘zbekistonga ekstraditsiya qilindi

08:48 / 15.06.2025