Қаршида бир оиланинг тўрт аъзоси ис газидан заҳарланган — экспертиза
Суд-тиббиёт экспертизаси марҳумларнинг ўлимига ис газидан ўткир заҳарланиш сабаб бўлганини кўрсатди. Аввалроқ “Ҳудудгазтаъминот” бу версияни “эҳтимолдан йироқ” деб атаганди.

Фото: Очиқ манбалардан олинган сурат
Қарши шаҳридаги хонадонда эркак ва унинг уч фарзанди вафот этгани ҳолати юзасидан терговга қадар текширув давом этмоқда, дея маълум қилди Бош прокуратура матбуот хизмати.
Қайд этилишича, суд-тиббиёт экспертизаси марҳумларнинг ўлими “ис газидан ўткир заҳарланишдан” келиб чиққанини кўрсатган.
“Текшириш давом этмоқда”, – дейилади хабарда.
Аввалроқ “Ҳудудгазтаъминот” компанияси Kun.uz'га ҳолат бўйича ахборот бериб, фожианинг газ ёки ис гази билан боғлиқ бўлиши мумкинлигини “эҳтимолдан йироқ” деб баҳолаганди.
“Мутасадди ходимлар иштирокида текширилганда ертўлада ўрнатилган 2 дона иситиш қозонларининг дудбуронларини бир-бирига боғланиш жойи очиқ ҳолатда экани, хонадоннинг ертўласида жойлашган иситиш қозонининг ишлаш жараёни текширилиб кўрилганда, табиий газ босими бир меъёрда экани, газоанализатор билан кўрилганда хонада газ сизиб чиқиши ҳолатлари йўқлиги, дудбуроннинг тортиш кучини гугурт ёрдамида текширилганда тортиш кучи борлиги аниқланди”, – дея маълум қилганди газ таъминоти идораси.
Бош прокуратуранинг бирламчи ахборотида эса, уй ертўласида ўрнатилган замонавий икки контурли иситиш қозони мўрисининг умумий вентиляция мўрисига уланган қисмидан ис гази чиққани таъкидланган эди.
Эслатиб ўтамиз, ҳодиса Қарши шаҳридаги уйлардан бирида 17 декабр куни тушдан кейин содир бўлган. Воқеа оқибатида 46 ёшли эркак ва унинг 18, 16 ва 10 ёшда бўлган уч фарзанди ҳалок бўлган.
Тавсия этамиз
Ғарб Исроил Эронга зарба беришидан хавотирда. Бу ҳақда нималар маълум ва оқибатлар қандай бўлиши мумкин?
Жаҳон | 21:01 / 12.06.2025
Қизалоққа қарши армия: Грета Тунберг Ғазога етиб боролмади
Жаҳон | 17:45 / 11.06.2025
Сўм 2 ҳафтада 2 фоизга мустаҳкамланди. Қандай қилиб?
Иқтисодиёт | 18:57 / 10.06.2025
Июнда об-ҳаво нисбатан салқин бўлиши кутилмоқда
Ўзбекистон | 16:47 / 10.06.2025
Сўнгги янгиликлар
-
Эрон Исроилга баллистик ракеталарни учирди
Жаҳон | 23:46 / 13.06.2025
-
Ўзбекистон Ғазода урушни тўхтатиш ҳақидаги БМТ резолюциясига қўшилди
Жаҳон | 23:21 / 13.06.2025
-
Эрондаги масжид узра қизил «қасос байроғи» кўтарилди
Жаҳон | 23:12 / 13.06.2025
-
Ўта йирик миқдордаги фирибгарликда айбланаётган фуқаро Тошкент аэропортида ушланди
Жамият | 23:05 / 13.06.2025
Мавзуга оид

14:00 / 11.06.2025
1,3 млрд сўмлик газдан ноқонуний фойдаланган овқатланиш маскани аниқланди

12:43 / 24.04.2025
Россия фуқароларининг Ўзбекистондаги меҳмонхонада заҳарланиши бўйича тергов якунланди

12:03 / 04.04.2025
Қўқонда бир оиланинг 4 аъзоси ис газидан заҳарланиб, вафот этди

19:50 / 02.03.2025