Қўшимча функционаллар
-
Тунги кўриниш
Европа Иттифоқи 2027 йил охирида Россиядан барча газ импортини тақиқламоқчи
Еврокомиссия Россиядан қувур орқали келадиган ва суюлтирилган газ етказиб беришни тўлиқ тақиқлаш ҳақида эълон қилмоқчи, деб ёзади Bloomberg. Аниқ вақт чегараси муқобил вариантлар қанчалик тез топилишига боғлиқ бўлади.
Bloomberg маълумотларига кўра, Европа Иттифоқи 2027 йил охирида Россия гази импортини тўлиқ тақиқлаш ниятида. Европа комиссияси июнь ойида Россия билан янги келишувлар ва амалдаги спот шартномалар бўйича газ сотиб олишни тақиқлашни таклиф қилишни режалаштирмоқда, бу эса ушбу етказиб беришнинг учдан бир қисмига тўғри келади, деб ёзди агентлик 5 май, душанба куни масаладан хабардор манбаларга таяниб.
Европа комиссияси бу борадаги режаларини 6 май куни Страсбургда эълон қилиши керак, деб ёзади Bloomberg.
Чекловлар жорий йилнинг охиригача кучга кириши мумкин, бироқ Россиядан газ импортини якуний тақиқлашнинг аниқ муддати Европа Иттифоқи давлатларининг бошқа давлатлардан, хусусан, АҚШ, Қатар ва Канададан, шунингдек, Африка давлатларидан суюлтирилган газни муқобил етказиб бериш имкониятига боғлиқ бўлади, деб ёзади Bloomberg. Қўшма Штатлар ва Қатардан катта ҳажмдаги таъминот фақат 2027 йилдан бошлаб кутилмоқда, дея таъкидланади маълумотда.
Россиянинг Европага газ етказиб бериш ҳажми 2022 йилда Россиянинг Украинага кенг кўламли бостириб кириши бошланганидан бери кескин камайди. Бироқ, Россия Туркия орқали ўтадиган қувур орқали газ, шунингдек, суюлтирилган газнинг муҳим етказиб берувчиси бўлиб қолмоқда.
2024 йилда Россиядан суюлтирилган газ етказиб бериш рекорд даражага кўтарилганидан сўнг ЕИ импортидаги рус газининг улуши 19 фоизни ташкил этди. Айни пайтда, Россия Федерациясининг Украинага қарши кенг кўламли уруши бошланишидан олдин бу кўрсаткич 40 фоизга тенг эди. Аввалроқ Reuters агентлиги ЕИ Россиядан суюлтирилган газ етказиб беришни тақиқлаш режаларини кейинга сургани ҳақида хабар берган эди.
Тавсия этамиз
Хатолар улғайтирган жамоа. Ўзбекистоннинг мундиал сари узоқ йўли ҳақида
Спорт | 15:27 / 07.06.2025
Қайси тоифадаги талабалардан ўқишни тугатгунча гранти олиб қўйилмайди?
Ўзбекистон | 11:26 / 07.06.2025
Миллий жамоа аъзоларига BYD автомобиллари топширилади
Спорт | 16:14 / 06.06.2025
Трамп ва Маск очиқчасига уришиб кетди
Жаҳон | 12:05 / 06.06.2025
Сўнгги янгиликлар
-
Кўксаройда Роберт Фицони расмий кутиб олиш маросими бўлиб ўтди
Ўзбекистон | 12:06
-
Самарқанд вилояти ҳокимига янги ўринбосар тайинланди
Ўзбекистон | 11:40
-
Ўзбекистонда далаларда сомон ёниши сунъий йўлдош орқали кузатилмоқда
Ўзбекистон | 11:33
-
«Бадавлат аёл» лойиҳаси. Иштирокчилар жиддий муаммоларга дуч келишган
Ўзбекистон | 11:23
Мавзуга оид
11:52 / 07.06.2025
ЕИ ва БМТ АҚШни ХЖC судяларига қарши санкцияларни бекор қилишга чақирди
16:33 / 06.06.2025
Газ ва электр компенсацияси учун ариза қабул қилиш бошланди
11:22 / 06.06.2025
Россиялик олигархлар ЕИ санкциялари бўйича суд жараёнида навбатдаги мағлубиятга учради
09:54 / 04.06.2025
Bloomberg: "Газпром" Туркиядаги газ ҳаби бўйича режаларни кейинга қолдирди
