АҚШ Россиянинг Сумига зарбасини қораловчи G7 резолюциясини блоклади
Доналд Трамп маъмурияти ўз қарорини «тинчлик бўйича музокаралар учун имконият сақлаб қолиш устида иш олиб бораётгани» билан изоҳлади.

Фото: REUTERS
АҚШ «Катта еттилик» (G7) таркибига кирувчи давлатларни Россиянинг Сумига уюштирган ракета зарбаларини қораловчи қўшма баёнотни имзоламаслиги тўғрисида хабардор қилди, деб ёзмоқда Bloomberg.
Дипломатик ёзишмалар мазмунидан хабардор агентлик манбаларининг маълум қилишича, АҚШ президенти Дональд Трамп маъмурияти ўз қарорини «тинчлик бўйича музокаралар учун имконият сақлаб қолиш устида иш олиб бораётгани» ва Россия ҳукумати билан алоқада экани билан изоҳлаган.
2025 йилда «Катта еттилик»ка раислик қилаётган Канада G7’нинг бошқа иштирокчиларини АҚШ қўллаб-қувватловисиз резолюцияни қабул қилишнинг имкони йўқлиги тўғрисида хабардор қилишга мажбур бўлган. Қайд этилишича, баёнотда Сумига ҳужум Россия урушни тўхтатиш ниятида эмаслигига исбот бўла олиши келтирилган.
РФ армияси 13 апрел куни Суми шаҳри марказига иккита «Искандер» баллистик ракетасини учирди. Украина расмийларининг маълумотларига кўра, ҳужум оқибатида 35 киши, жумладан, икки бола ҳалок бўлган, яна 119 киши яраланган. Россия Мудофаа вазирлиги ҳужум Украина Қуролли кучларининг «Северск» тезкор-тактик гуруҳи қўмондонлик таркиби йиғини ўтказилган жойга берилганини ва 60 дан ортиқ ҳарбий хизматчи «йўқ қилинганини» билдирди. Украиналик айрим расмийлар шу куни Сумида 117-бригада ҳарбийларини мукофотлаш маросими бўлиб ўтганини тасдиқлади. Шунингдек, тармоқларда ҳалок бўлган ҳарбийлар тўғрисида бир нечта некрологлар ҳам пайдо бўлган.
Володимир Зеленскийнинг маълум қилишича, Россиянинг Сумига берган зарбасидан сўнг 50 га яқин давлат ва халқаро ташкилотлар Украинани қўллаб-қувватлаган. Европанинг бир қанча етакчилари, жумладан, Франция президенти Эммануэл Макрон, Буюк Британия бош вазири Кир Стармер, Чехия президенти Петр Павел ва Полша бош вазири Доналд Туск ҳам Кремлни қоралаган. Германиянинг бўлажак канцлери Фридрих Мерц эса зарбани «ҳарбий жиноят» ва «ақл бовар қилмайдиган шафқатсизлик» деб атади.
Тавсия этамиз
Хатолар улғайтирган жамоа. Ўзбекистоннинг мундиал сари узоқ йўли ҳақида
Спорт | 15:27 / 07.06.2025
Қайси тоифадаги талабалардан ўқишни тугатгунча гранти олиб қўйилмайди?
Ўзбекистон | 11:26 / 07.06.2025
Миллий жамоа аъзоларига BYD автомобиллари топширилади
Спорт | 16:14 / 06.06.2025
Трамп ва Маск очиқчасига уришиб кетди
Жаҳон | 12:05 / 06.06.2025
Сўнгги янгиликлар
-
Тошкентда “Ёшлар овози – Bo‘zatov FEST” танловининг республика босқичи бўлиб ўтди
Ўзбекистон | 13:30
-
Исроил ҳаво кучлари Сурияга ҳужум қилди
Жаҳон | 13:24
-
ХЖС Нетаняҳу ва Галлантни ҳибсга олишга ордер берган судяларга қарши АҚШ санкцияларини қоралади
Жаҳон | 13:22
-
Глобал экологик фонднинг VIII Ассамблеяси Ўзбекистонда ўтказилади
Ўзбекистон | 13:14
Мавзуга оид

15:06 / 08.06.2025
WSJ: Пентагон йиллар давомида НУЖ ҳақида ёлғон маълумотлар тарқатиб келган

22:08 / 07.06.2025
Илон Маск АҚШ президенти билан зиддият ортидан янги партия тузишни таклиф қилди

20:05 / 07.06.2025
АҚШ стартапи бўлажак фарзанднинг кўз ранги, бўйи ва ақл даражасини танлашни таклиф қилди

19:30 / 07.06.2025