Ўзбекистоннинг олтин-валюта захиралари июндан бери биринчи марта камайди
Марказий банк томонидан эълон қилинган маълумотларга кўра, расмий захира активлари 1 декабр ҳолатига 41,47 миллиард долларни ташкил этган.

Фото: Chalinee Thirasupa/Bloomberg
Ўзбекистоннинг расмий захира активлари 1 декабр ҳолатига 41,47 миллиард долларни (-3,9 фоиз) ташкил этиб, ноябр ойида 1,67 миллиард долларга камайди. Бу ҳақда Марказий банк томонидан эълон қилинган маълумотларда сўз боради.
Марказий банк захиралари кетма-кет тўрт ойдан кейин биринчи марта пасайди: июл ойида улар 1,06 миллиард долларга, августда — 1,75 миллиард долларга, сентябрда — 1,98 миллиард долларга ва октябрда 2 миллиард долларга ошганди.
Ўтган ойда хорижий валюта захиралари 1,04 миллиард долларга камайди — 9,22 миллиард доллардан 8,18 миллиард долларгача. Захиралардаги олтиннинг физик ҳажми 12,3 миллион троя унциясини ташкил этмоқда (382,3 тонна). Олтин захирасининг қиймати рекорд даражадаги 33,36 миллиард доллардан 32,7 миллиард долларгача, яъни 623 миллион долларга камайди. Бунга ноябр ойида олтин нархи 2,6 фоизга пасайиб, бир троя унцияси учун 2721 доллардан 2651 долларгача тушгани сабаб бўлди.
Аввалроқ Ўзбекистон олтин ишлаб чиқарувчи давлатларнинг етакчи ўнталигига киргани тўғрисида хабар берилганди. Жаҳон олтин кенгаши маълумотларига кўра, ўтган йили Ўзбекистонда 119,6 тонна олтин ишлаб чиқарилган.
Тавсия этамиз
Урушга қўшилган АҚШ, «бутун Украина бизники» деган Путин – ҳафта дайжести
Жаҳон | 18:52 / 22.06.2025
Ёз жазирамаси давом этади: 10 кунлик об-ҳаво прогнози
Ўзбекистон | 17:56 / 20.06.2025
“Бадавлат аёл” лойиҳасида ким бадавлат бўляпти?
Жамият | 21:46 / 19.06.2025
Тарвуз таркибидаги нитратлар: ҳозирги тарвузларни еса бўладими?
Жамият | 17:57 / 19.06.2025
Сўнгги янгиликлар
-
АҚШ DeepSeek сунъий интеллект чатботини Хитой армиясига ёрдам беришда айблади
Жаҳон | 00:24
-
Президент администрациясининг қатор ходимлари лавозимдан озод этилди
Ўзбекистон | 23:33 / 23.06.2025
-
Эрон АҚШнинг Қатардаги базаларига ракета зарбаларини берди
Жаҳон | 22:55 / 23.06.2025
-
Азиз Мағрупов Президент ёрдамчиси лавозимидан озод этилди
Ўзбекистон | 22:28 / 23.06.2025
Мавзуга оид

09:17 / 20.06.2025
Марказий банк 13 та банкка жарима санкцияси қўллади

16:51 / 18.06.2025
Долларнинг расмий курси охирги 10 ойликдаги энг паст даражага тушди

10:10 / 17.06.2025
Марказий банк фуқароларни рақамли фирибгарлик ҳақида огоҳлантирди

21:03 / 14.06.2025