Dunyoda qariyb 300 mln kishi ochlik yoqasida ekani ma’lum qilindi
Ochlik inqirozining eng og‘ir bosqichida bo‘lganlarning 95 foizdan ortig‘i G‘azo sektori va Sudan hisobiga to‘g‘ri keladi.

Foto: Anadolu/Getty Images
Dunyoning 53 mamlakatida qariyb 300 million kishi keskin oziq-ovqat tanqisligiga duch kelmoqda. Bu kuzatuvlar tarixidagi eng yuqori ko‘rsatkich hisoblanadi, deb xabar bermoqda The Guardian.
Global Report on Food Crises hisobotiga ko‘ra, buning asosiy sabablari — qurolli mojarolar, gumanitar yordamning qisqarishi, iqtisodiy muammolar va iqlim falokatlarining oqibatlari.
Hisobotda keltirilishicha, 295,3 million kishi og‘ir oziq-ovqat taqchilligidan aziyat chekmoqda — bu tahlil qilingan mamlakatlar aholisining qariyb chorak qismidir. Inqirozning eng og‘ir bosqichida (IPC tasnifiga ko‘ra «falokat» darajasi) bo‘lganlarning 95 foizdan ortig‘i G‘azo sektori va Sudanda yashaydi.
G‘azo va Sudan bilan bir qatorda Haiti, Mali, Janubiy Sudan, Afg‘oniston, Pokiston, Efiopiya va Keniyada ham og‘ir ahvol kuzatilmoqda — ushbu hududlarda qurg‘oqchilik hamda mojarolar oziq-ovqat taqchilligini yanada kuchaytiryapti. Myanma, Nigeriya va Kongo Demokratik Respublikasi kabi 19 davlatda vaziyat yomonlashishda davom etmoqda. Bu yerda asosiy omil — qurolli to‘qnashuvlar va ichki beqarorlik.
Xalqaro gumanitar dasturlarni moliyalashtirish keskin kamaygan, ayniqsa AQSh tomonidan. Natijada Sudan, Yaman va Haitidagi 14 milliondan ortiq bola yordamdan mahrum bo‘lgan. Mutaxassislarning ta’kidlashicha, moliyalashtirish kamaytirilishidan avval ham hisobotdagi mamlakatlarning deyarli yarmi oziq-ovqat inqirozining og‘ir bosqichida bo‘lgan.
Avvalroq AQSh qashshoq mamlakatlar uchun ilgari yopilgan bir nechta oziq-ovqat dasturlarini tiklashi to‘g‘risida xabar berilgandi.
Tavsiya etamiz
40 daraja issiq: bunaqa paytda xodimlar qanday huquqlarga ega?
Jamiyat | 17:15 / 03.07.2025
Issiqdan qanday saqlanish kerak? – JSST tavsiyalari
O‘zbekiston | 16:06 / 02.07.2025
Nima uchun Koreyani tanlash yoki tanlamaslik kerak? | SUBYEKTIV
Jamiyat | 19:02 / 30.06.2025
Urush tugadi, endi Isroil va Eron nima qiladi?
Jahon | 12:02 / 30.06.2025
So‘nggi yangiliklar
-
Samarqandda inspeksiya bosh mutaxassisi pora bilan qo‘lga tushdi
O‘zbekiston | 08:25
-
Aliyev: Ozarboyjon AQSh bilan do‘stlik va sheriklikka alohida ahamiyat beradi
Jahon | 08:22
-
O‘zbekiston universiteti xalqaro reytingda eng kuchli 500 ta OTM qatoridan joy oldi
O‘zbekiston | 08:03
-
Nyu-York meri lavozimiga nomzod Trampning «Katta ajoyib qonuni»ni talonchilik deb atadi
Jahon | 07:40
Mavzuga oid

15:45 / 19.06.2025
Ekspertlar: Isroilning G‘azoga yordam olib ketayotgan kemaga qarshi harakatlari xalqaro qonunlarga ziddir

22:38 / 17.06.2025
O‘zbekiston ukrainalik bolalarga o‘quv qurollari to‘plamini sovg‘a qildi

08:15 / 02.06.2025
Isroil gumanitar yordam yuklangan 3000 ta yuk mashinasining G‘azoga kirishini to‘sib qo‘ydi

09:03 / 22.05.2025