Aliyev: Ozarboyjon AQSh bilan do‘stlik va sheriklikka alohida ahamiyat beradi

Ozarboyjon AQSh bilan do‘stona munosabatlar va sheriklikka alohida ahamiyat beradi.

Bu haqda Ozarboyjon prezidenti Ilhom Aliyevning amerikalik hamkasbi Donald Trampga Amerika Qo‘shma Shtatlari milliy bayrami – Mustaqillik kuni munosabati bilan yo‘llagan tabrigida aytiladi. Murojaat matni Ozarboyjon prezidenti matbuot xizmati tomonidan e’lon qilindi.

Ozarboyjon rahbari xalqaro tinchlik va xavfsizlikni mustahkamlash, terrorizm va uning turli ko‘rinishlariga qarshi kurashish, energetika xavfsizligi sohasida va boshqa qator muhim yo‘nalishlarda faol va samarali hamkorlik qilish ikki davlat o‘rtasidagi yaqin sheriklikning o‘ziga xos xususiyatlaridan biri ekanini alohida ta’kidladi.

«Amerika Qo‘shma Shtatlari uzoq yillar davomida Ozarboyjonning energetika sohasida sodiq hamkori bo‘lib kelganini mamnuniyat bilan qayd etmoqchiman. Yaxshi an’analarga asoslangan va mustahkam poydevorga qurilgan bu boradagi hamkorligimiz bugun ham muvaffaqiyatli davom etmoqda», — dedi davlat rahbari.

U Boku AQSh tomonidan Ozarboyjonning energetika strategiyasiga ko‘rsatilayotgan doimiy qo‘llab-quvvatlov, shuningdek, mintaqada barqarorlik va taraqqiyotga xizmat qiluvchi ulkan loyihalarni amalga oshirishini yuksak qadrlashini ta’kidladi.