Hindiston Fransiyadan Rafale qiruvchi samolyotlarini sotib oldi

Hindiston mudofaa vaziri Rajnat Singx va uning fransuz hamkasbi Sebastyan Lekornyu Hindiston harbiy-havo kuchlariga 26 ta Fransiyaning Dassault Rafale qiruvchi samolyotlarini yetkazib berish bo‘yicha shartnoma imzoladi. Bu haqda 28 aprel, dushanba kuni Hindiston Mudofaa vazirligi o‘zining rasmiy saytida ma’lum qildi.

Qiymati 640 milliard rupiy (taxminan 6,58 milliard yevro) bo‘lgan shartnoma 22 ta Rafale-M jangovar samolyoti va to‘rtta Rafale-D mashq samolyotini yetkazib berishni o‘z ichiga oladi. Nyu-Dehli qiruvchi samolyotlarni 2030 yilgacha qabul qilishi kutilmoqda. Kelishuv Hindistonda Rafale fyuzelyajlarini ishlab chiqarish, shuningdek, samolyot dvigatellari, datchiklari va qurollarga texnik xizmat ko‘rsatish, ta’mirlash va kapital ta’mirlash bo‘yicha inshootlarni tashkil etishga ham imkon beradi.

Rafale-M — aviatashuvchiga asoslangan qiruvchi. Fransiya samolyotlari 2022 yilda foydalanishga topshirilishi kerak bo‘lgan yangi INS Vikrant aviatashuvchisining havo qanotini tashkil qilishi kutilmoqda. Hindistonda allaqachon 28 ta Rafale EH va 8 ta Rafale DH mavjud va qiruvchi samolyotning «dengiz variantini» sotib olish «operativ imkoniyatlarni, shuningdek, Hindiston havo kuchlari va mahalliy mudofaa havo kuchlari uchun tayyorgarlik va logistikani oshiradi», deya ma’lum qildi mahalliy mudofaa idorasi.

Hindiston fransuz qiruvchi samolyotlari bilan bir qatorda 2009 yildan beri Rossiyaning «Vikramaditya» aviatashuvchisi bazasida joylashgan MiG-29K/KUB samolyotlaridan foydalanmoqda. 2023 yil holatiga ko‘ra, mamlakatda 42 ta shunday qiruvchi bor edi, biroq ularning deyarli yarmi zaxirada, deb xabar bergandi avvalroq OAV.