O‘zLiDePning aksiyasi respublika bo‘ylab ommalashmoqda

O‘tgan yilgi saylovoldi targ‘iboti davomida O‘zLiDePdan ko‘rsatilgan nomzodlar doimiy ravishda aholi bilan muloqot qilishga, muntazam ravishda ularning holidan xabar olishga va’da bergan edi. Bugun ular o‘z va’dasi ustidan chiqib, saylovchilarning muammolarini tizimli hal qilishyapti.

Partiya o‘z saylovoldi dasturida ko‘zda tutilgan barcha maqsad va g‘oyalarini amalga oshirishda faollik ko‘rsatmoqda. Inson qadri uchun tamoyili asosida partiya tomonidan turli aksiyalar tashkil qilinyapti.

O‘zLiDeP tashabbusi bilan o‘tkazilayotgan "Ogoh bo‘ling - is gazi" aksiyasi respublika bo‘ylab ommalashib bormoqda.

Aksiya doirasida shu kunga qadar “Ijtimoiy himoya yagona reyestri”ga kiritilgan 10 mingga yaqin xonadonga is gazini aniqlaydigan uskunalar bepul tarqatildi, 1939 nafar deputatlar, 979 nafar tadbirkorlar, 4 mingga yaqin tegishli davlat organi vakillari ishtirok etdi.

Targ‘ibot davomida aholi xonadonlarida isitish tizimlarini muntazam tekshirish va ta’mirlab borish, xavfsizlik qoidalariga qat’iy rioya qilish, is gazining xavfliligi va undan saqlanish bo‘yicha mutaxassislar tomonidan atroflicha tushunchalar berildi.   

Partiyaning mazkur tashabbusini aholi vakillari katta xursandchilik bilan qabul qilib, o‘z minnatdorchiliklarini bildirishdi (Reklama).