Fyuri va Usik boks jangida ilk marta sun’iy intellektga asoslangan hakam bo‘ladi
Bu tajriba 21 dekabr kuni Ar-Riyozda bo‘lib o‘tadigan jangning rasmiy natijalariga ta’sir qilmaydi.

Foto: Getty Images
Britaniyalik Tayson Fyuri va ukrainalik Oleksandr Usik o‘rtasidagi boks jangi vaqtida tarixda birinchi marta sun’iy intellekt asosida hakam ishlaydi. Bu haqda Saudiya Arabistoni Bosh ko‘ngilochar boshqarmasi raisi Turkiy Ol Ash-Shayx ma’lum qildi.
Fyuri va Usik o‘rtasidagi revansh jangi 21 dekabr kuni Ar-Riyozda bo‘lib o‘tadi.
«Birinchi marta jangni sun’iy intellekt bo‘yicha hakam nazorat qiladi, bu tarafkashlik va inson xatosidan xoli bo‘ladi. Rasmiy natijalarga ta’sir qilmaydigan ushbu innovatsion tajriba 21 dekabr kuni bo‘lib o‘tadigan asrning eng yirik jangi vaqtida debyut qiladi», deb yozdi Ol ash-Shayx.
Fyuri va Usik o‘rtasidagi birinchi jang 19 mayga o‘tar kechasi bo‘lib o‘tdi va ukrainalik bokschi hakamlar qarori bilan g‘alaba qozonib, og‘ir vaznda (90,71 kg dan yuqori) mutlaq jahon chempioniga aylandi.
Hozir Usik mutlaq jahon chempioni emas, u Xalqaro boks federatsiyasi (IBF) kamaridan voz kechgan.
37 yoshli Usik professional ringdagi 22 ta jangning barchasida g‘alaba qozongan. 36 yoshli Fyuri faoliyatidagi ilk mag‘lubiyatini Usikdan qabul qilib oldi. Bungacha uning hisobida 35 ta jangda 34 ta g‘alaba va 1 durang bor edi.
So‘nggi yangiliklar
-
Tramp Ukraina va Rossiya o‘rtasidagi muzokaralar bo‘yicha yangi bayonot berdi
Jahon | 23:40 / 12.06.2025
-
Global qochqinlar soni 2011 yildan beri birinchi marta kamaydi – BMT
Jahon | 23:02 / 12.06.2025
-
Florida gubernatori namoyishchilarni avtomobilda urib yuborish mumkinligini aytdi
Jahon | 23:01 / 12.06.2025
-
Yangi Toshkentda «Peterburg mahallasi» bo‘ladi
O‘zbekiston | 22:28 / 12.06.2025
Mavzuga oid

10:48 / 31.05.2025
Bektemir Meliqo‘ziyev amerikalik bokschidan ustun keldi

09:55 / 31.05.2025
Murodjon Ahmadaliyev meksikalik bokschini mag‘lubiyatga uchratdi

08:15 / 18.05.2025
O‘zbekistonlik bokschilar Polshadagi turnirda birinchi bo‘ldi

09:20 / 13.04.2025