AQSh hukumati Apple'dan iPhone'ga radio qo‘shishni talab qildi

Foto: ZDNet
AQSh Federal aloqa komissiyasi odamlar favqulodda vaziyatlardan ogoh bo‘lishi uchun Apple kompaniyasidan iPhone'da FM-modulni faollashtirishni talab qildi.
Xizmat rahbari Adjit Payning izoh berishicha, ayfon egalari Florida, Puerto-Riko va Texasidagi Xarvi, Irma yoki Mariya dovullaridan xabar topmay qolishi ham mumkin edi. Bloomberg'da ta'kidlanishicha, Apple qurilmalari AQSh smartfonlar bozorining 40 foizini egallaydi.
"Men Apple'dan iPhone'dagi FM-modullarni faollashtirishni so‘rayman. Kompaniyaning mas'uliyatni o‘z zimmasiga oladigan va Amerika xalqi xavfsizligini birinchi o‘ringa qo‘yadigan vaqti keldi".
Adjit Pay, AQSh Federal aloqa komissiyasi rahbari
Bir necha yildan beri smartfonlar ishlab chiqaruvchilaridan modulni faollashtirishni talab qilib kelgan AQSh Milliy televideniye assotsiatsiyasi (National Association of Broadcasters) ham mazkur talabni qo‘llab-quvvatladi. Motorola, LG va Samsung uning ko‘rsatmalariga quloq tutdi.
Apple'da Federal aloqa komissiyasining talabiga iPhone 7, iPhone 8 va iPhone X smartfonlarida radiomodullar yo‘qligi bilan javob berishdi. Radio muxlislari yangiliklar stansiyalarini Apple Music yoki watchOS 4.1'dagi "Radio" ilovasi orqali tinglashlari mumkin.
Kompaniyaning ta'kidlashicha, ayfon egalari favqulodda xizmatlarga to‘g‘ridan-to‘g‘ri bloklash ekrani orqali murojaat qilishadi va favqulodda vaziyatlardan xabar topishadi. Apple'ning marketing bo‘yicha katta prezidenti Filipp Shiller ham bu ma'lumotni tasdiqladi.
TechCrunch nashrida ma'lum qilinishicha, Apple eski modellaridan radioni olib tashlagan. iPhone 6 va iPhone 6S'da FM-modullar bo‘lgan, biroq ular protsessorlarga kiritilib, antennalarga ulanmagan. Bundan chiqdi, agar AQSh Apple'ni modullarni yoqishga majbur qilgan taqdirda ham, kompaniya bunday qila olmaydi.
Tavsiya etamiz
G‘arb Isroil Eronga zarba berishidan xavotirda. Bu haqda nimalar ma’lum va oqibatlar qanday bo‘lishi mumkin?
Jahon | 21:01 / 12.06.2025
Qizaloqqa qarshi armiya: Greta Tunberg G‘azoga yetib borolmadi
Jahon | 17:45 / 11.06.2025
So‘m 2 haftada 2 foizga mustahkamlandi. Qanday qilib?
Iqtisodiyot | 18:57 / 10.06.2025
Iyunda ob-havo nisbatan salqin bo‘lishi kutilmoqda
O‘zbekiston | 16:47 / 10.06.2025
So‘nggi yangiliklar
-
Air Arabia O‘zbekistonga va yana to‘qqizta davlatga parvozlarni to‘xtatdi
Jahon | 00:25
-
Eron Isroilga ballistik raketalarni uchirdi
Jahon | 23:46 / 13.06.2025
-
O‘zbekiston G‘azoda urushni to‘xtatish haqidagi BMT rezolyutsiyasiga qo‘shildi
Jahon | 23:21 / 13.06.2025
-
Erondagi masjid uzra qizil «qasos bayrog‘i» ko‘tarildi
Jahon | 23:12 / 13.06.2025
Mavzuga oid

19:38 / 10.06.2025
Dunyodagi eng qimmat 100 ta IT-brend qiymati 3,2 trln dollarga yetdi

16:46 / 10.06.2025
iPhone yangi dizayni, Siri’da kechiktirilgan o‘zgarishlar, iOS26 va Games – Apple WWDC25’da nimalar taqdim qildi?

16:44 / 22.05.2025
Xitoyda o‘g‘irlangan iPhone «qabristoni» topildi

17:55 / 12.05.2025