Қўшимча функционаллар
-
Тунги кўриниш
АҚШ ҳукумати Apple'дан iPhone'га радио қўшишни талаб қилди

Фото: ZDNet
АҚШ Федерал алоқа комиссияси одамлар фавқулодда вазиятлардан огоҳ бўлиши учун Apple компаниясидан iPhone'да FM-модулни фаоллаштиришни талаб қилди.
Хизмат раҳбари Аджит Пайнинг изоҳ беришича, айфон эгалари Флорида, Пуэрто-Рико ва Техасидаги Харви, Ирма ёки Мария довулларидан хабар топмай қолиши ҳам мумкин эди. Bloomberg'да таъкидланишича, Apple қурилмалари АҚШ смартфонлар бозорининг 40 фоизини эгаллайди.
"Мен Apple'дан iPhone'даги FM-модулларни фаоллаштиришни сўрайман. Компаниянинг масъулиятни ўз зиммасига оладиган ва Америка халқи хавфсизлигини биринчи ўринга қўядиган вақти келди".
Аджит Пай, АҚШ Федерал алоқа комиссияси раҳбари
Бир неча йилдан бери смартфонлар ишлаб чиқарувчиларидан модулни фаоллаштиришни талаб қилиб келган АҚШ Миллий телевидение ассоциацияси (National Association of Broadcasters) ҳам мазкур талабни қўллаб-қувватлади. Motorola, LG ва Samsung унинг кўрсатмаларига қулоқ тутди.
Apple'да Федерал алоқа комиссиясининг талабига iPhone 7, iPhone 8 ва iPhone X смартфонларида радиомодуллар йўқлиги билан жавоб беришди. Радио мухлислари янгиликлар станцияларини Apple Music ёки watchOS 4.1'даги "Радио" иловаси орқали тинглашлари мумкин.
Компаниянинг таъкидлашича, айфон эгалари фавқулодда хизматларга тўғридан-тўғри блоклаш экрани орқали мурожаат қилишади ва фавқулодда вазиятлардан хабар топишади. Apple'нинг маркетинг бўйича катта президенти Филипп Шиллер ҳам бу маълумотни тасдиқлади.
TechCrunch нашрида маълум қилинишича, Apple эски моделларидан радиони олиб ташлаган. iPhone 6 ва iPhone 6S'да FM-модуллар бўлган, бироқ улар процессорларга киритилиб, антенналарга уланмаган. Бундан чиқди, агар АҚШ Apple'ни модулларни ёқишга мажбур қилган тақдирда ҳам, компания бундай қила олмайди.
Тавсия этамиз
Одамлар энг тез ва секин қарийдиган мамлакатлар аниқланди
Жаҳон | 21:57 / 17.07.2025
Жиноят оламида бунақаси кам учрайди: яширин устахона ва ғойиб бўлган 276 та машина
Жамият | 13:40 / 16.07.2025
20 июлдан бошлаб 1-2 кунга хорижга чиққанлар Ўзбекистонга божсиз товар олиб киролмайди
Иқтисодиёт | 19:31 / 15.07.2025
Болаларни итдек вовуллатган «дефектолог»га янги жиноий иш очилди
Жамият | 18:06 / 15.07.2025
Сўнгги янгиликлар
Мавзуга оид

21:34 / 14.07.2025
Meta Apple муҳандисини 200 млн доллар эвазига ишга ёллади

20:28 / 09.07.2025
Nvidia компаниясининг капиталлашуви тарихдаги рекорд даражага етди

21:12 / 02.07.2025
Apple Ҳиндистонда iPhone ишлаб чиқаришни кенгайтиришда кутилмаган муаммога дуч келди

18:42 / 28.06.2025