“Табиий, инновацион, трансформатив” – японлар ўзбек павилионига қандай таъриф бермоқда?
Kun.uz “Expo 2025 Osaka”да тақдим этилган ўзбек миллий павилионига бориб, унга ташриф буюрувчиларнинг фикри билан қизиқди. Павилион ходимларига кўра, кунига камида 6-7 гуруҳ одамлар томоша қилгани келмоқда ва ҳар бир гуруҳда 40-45 киши бўлади. “Баланд-баланд устунлар дарҳол эътиборимизни тортяпти”, дейди японлар.

“Expo 2025 Osaka”даги Ўзбекистон павилиони “Билимлар боғи: келажак жамияти лабораторияси” номи остида тақдим этилди. Ўзбекистон Маданият ва санъатни ривожлантириш жамғармаси бу павилионни лойиҳалаштириш учун машҳур немис компанияси “Atelier Bruckner”ни танлади. Кўргазма учун турли япон боғларидан 250 дан ортиқ устунлар олиб келинган ва “Билимлар боғи” яратилган.
Павилионга киравериш қавати – ер остини англатади ва тупроқ, сувни гавдалантирувчи иллюзиялар билан ишланган. Бу галги кўргазмада Ўзбекистон нафақат тарихи, балки бугун ҳамда келажак режаларини ҳам кўрсатишга уринди. Масалан, экологик омиллар, энергетик муаммоларни бартараф қилиш учун яшил ечимлар макетлари, сунъий идрок ва рақамлаштиришни англатувчи схемалар павилиондан ўрин олган. “Афросиёб” поезди ҳаракатланаётгани орқали ўзбек далалари, табиати рақамли тарзда кўрсатилади.
Кўргазманинг энг қизиқ қисми 360 даражали мултимедиа саёҳатидир. 3 дақиқадан сал кўпроқ вақт ичида видео ва овозли манзаралар меҳмонларга Ўзбекистонни тасвирлаши, кўргазмадаги кейинги босқич “Билимлар боғи”га чиқишга тайёрлаши лозим. Инновацион дизайндаги ушбу ҳаракатланувчи платформа сабаб ҳам ўзбек миллий павилиони бутун кўргазмада энг ноёбларидан бири бўлиб қолмоқда.
Ташриф буюрувчилар “Билимлар боғи” томи очиқ айвонига кўтарилар экан, Хивадаги тарихий Жума масжидига ўхшатиб қурилган ўрмонга чиққандек бўлишади. Бу ердаги 250 дан ортиқ устунлар эса қурилишида ишлатилган ёғочнинг келиб чиқиши қайси япон боғига бориб тақалишини кузатиш имконини берувчи яқин масофа алоқаси (NFC) белгилари билан жиҳозланган.
Kun.uz павилионга ташриф буюрганлар фикрини ўрганаркан, кўпчилик бу кўргазмага “табиий”, “ажойиб”, “инновацион”, “трансформатив”, “келажак табиати” деган бир-бирига яқин таърифларни берди. Ўзбек миллий павилиони асосий кириш қисмдан унча узоқ бўлмагани учун тез ташриф буюрувчилар эътиборига тушмоқда.
Шоҳрух Мажидзода тайёрлади.
Тавсия этамиз
Урушга қўшилган АҚШ, «бутун Украина бизники» деган Путин – ҳафта дайжести
Жаҳон | 18:52 / 22.06.2025
Ёз жазирамаси давом этади: 10 кунлик об-ҳаво прогнози
Ўзбекистон | 17:56 / 20.06.2025
“Бадавлат аёл” лойиҳасида ким бадавлат бўляпти?
Жамият | 21:46 / 19.06.2025
Тарвуз таркибидаги нитратлар: ҳозирги тарвузларни еса бўладими?
Жамият | 17:57 / 19.06.2025
Сўнгги янгиликлар
-
Саида Мирзиёева Самарқандда БМТнинг Давлат хизмати бўйича халқаро комиссияси раҳбари билан учрашди
Ўзбекистон | 19:28
-
Форс кўрфазида мингга яқин кема иштирокида тирбандлик юзага келди
Жаҳон | 19:25
-
Буюк Британияда «Робин Ҳуд» солиғини жорий этиш таклиф қилинди
Жаҳон | 19:11
-
Африкадаги вагнерчилар каннибализмда айбланмоқда
Жаҳон | 18:39
Мавзуга оид

10:11 / 22.06.2025
Японияда қурол ўрнига ўткир зираворлардан фойдаланган ўғрилар ушланди

22:13 / 20.06.2025
Япониялик боксчи чемпионлик унвони учун жангдан сўнг хотирасини йўқотди

11:09 / 14.06.2025
Японияда бўлиб турган ўзбекистонликлар огоҳлантирилди

15:57 / 12.06.2025