“Asialuxe Travel” билан Ҳургадага: денгиз, қуёш ва шарқона эртак

Ҳургада сизни қуёш, пальма япроқларининг шивири ва тўлиқ қайта тикланиш ҳисси билан кутиб олади. Бу ерда ҳар бир кун Қизил денгиз ёнида қуёш нурлари билан бошланади ва эски шаҳар фонарлари ёруғида шабада билан якунланади.

Фото: Asialuxe Travel

Тур нархига қуйидагилар киради:

🔹 Тўғридан тўғри парвоз (бориш ва қайтиш);

🔹 Меҳмонхонада яшаш;

🔹 Трансфер;

🔹 Тиббий суғурта;

🔹 eSIM – чексиз интернет ва алоқа.

Биринчи рейслар — 30 майдан бошлаб, кейинги парвозлар ҳар жума кунлари.

Турни 1111 қисқа рақам орқали, “Asialuxe Travel” сайтида ва иловасида, шунингдек, офисларимизда банд қилишингиз мумкин.

Қизил денгиз соҳилида сизни нималар кутмоқда?

– Ҳайратланарли даражада тиниқ сув ва маржон қоялар;

– Денгиз саёҳатлари, оппоқ қумли ороллар, мовий лагуналарда сноркелинг;

– Саҳро бўйлаб сайр: қуёш ботишининг майин нури, багги, гулхан атрофида чой;

– Шарқона оқшомлар: рақслар, зираворлар ифори ва мусиқа;

– Оддий бахт: қаҳва билан ҳеч нарса ҳақида ўйламасдан вақт ўтказиш.

Ҳургадада нималарни кўриш мумкин: гўзал жойлар ва ноодатий йўналишлар

Ал-Мина масжиди

Шаҳар меъморчилигининг энг ёрқин дурдоналаридан бири. Оппоқ, нафис ва баланд минораларга эга — гўё денгиз устида сузиб юргандек. Айниқса, кечқурун, ёритгичлар ёқилганда янада гўзаллашади.

Муқаддас Шенуте Копт черкови

Шовқинли курорт шаҳрида осойишталик ва маънавият бурчаги. Бетакрор муҳит, чиройли ўймакорлик ва вақт бу ерда бошқача ўтаётгандек туюлади.

Ҳургада гранд аквариуми

Ноодатий тажриба: сув ости туннелидан юриб, акулалар билан юзма-юз бўлиш, денгиз тошбақалари, скатлар ва Қизил денгиз балиқларини кўриш. Оила ва океанга ошиқ бўлганлар учун идеал.

“Минг бир кеча”

Ҳар оқшом эртакка айланувчи шарқона сарой. Рақслар, мусиқа, театрлаштирилган чиқишлар ва араб афсоналари муҳитидаги ранг-баранг шоу. Фақат бир оқшомга ҳақиқий саргузашт.

Ҳургада музейи

Қадимги Миср артефактлари — мумиёлар, ҳайкаллар, заргарлик буюмлари бўлган замонавий музей. Қоҳира ёки Луксорга бормасдан, Миср тарихига шўнғиш имкони.

Саҳро ва бедуин қишлоқлари

Шаҳар ташқарисига саёҳат — бошқа бир Мисрни очади: сукунат, қумлар ва саҳрода яшовчи одамлар. Бу ерда бедуин чойидан татиб кўриш, туя миниб кўриш ва тўлиқ сукунатда қуёш ботишини кўриш мумкин.