Доналд Трамп АҚШ президентлигига номзоди илгари сурилишига розилик берди
Милуокидаги республикачилар қурултойида Доналд Трамп Американи яқинлашиб келаётган парокандаликдан фақат у қутқара олишини айтди. Трамп мигрантларни билвосита «чиқинди» деб атаган.

Фото: Reuters
АҚШ президенти лавозимига қайта сайланишга интилаётган Доналд Трамп Республикачилар партиясидан давлат раҳбари лавозимига кўрсатилган номзодлик бўйича номинацияни қабул қилди ва шу тариқа расмий номзодга айланди. 18 июл, пайшанба куни кечқурун Висконсин штатининг Милуоки шаҳрида бўлиб ўтган Республикачилар партиясининг миллий қурултойида нутқ сўзлаган Трамп «Америка ярмининг эмас, балки бутун Американинг» президенти бўлишни хоҳлашини айтди.
Доналд Трамп, унинг сўзларига кўра, мамлакатни вайрон қилаётган АҚШ амалдаги президенти Жо Байденни кескин танқид қилиб, халқни яқинлашиб келаётган фалокатдан фақат унинг ўзи қутқаришга қодир эканини таъкидлади. Трамп ўзига қарши қўзғатилган жиноий ишларни демократик фитнанинг бир қисми деб атади.
Мигрантларга қарши баёнотлар
Доналд Трамп ўз нутқида муҳожирларга қаттиқ ҳужум қилиб, уларни билвосита «чиқинди» деб атади. «Улар ҳамма жойдан келишади. Биз бутун дунё учун чиқиндихонага айланганмиз ва улар бизни устимиздан кулишади. Улар бизни аҳмоқ деб ўйлашади», деди АҚШ президентлигига номзод ва Америкага кириб келаётган муҳожирлар деярли фақат жиноятчилар ва психиатрия шифохоналари беморлари эканлиги ҳақидаги фикрни такрорларкан.
Миграция ҳар доим Трамп учун сайловолди ташвиқотининг асосий мавзуси бўлиб келган, бироқ у сўнгги йилларда ўз оҳангини кескинлаштирди. Собиқ президент мунтазам равишда муҳожирлар ва озчиликларга нисбатан ҳақоратли, нафрат ва ирқчилик сўзларини ишлатади. Бошқа нарсалар қаторида, у баъзи муҳожирлар Қўшма Штатлар «қонини заҳарлаётгани»ни айтган.
АҚШда навбатдаги президентлик сайловлари 5 ноябр куни бўлиб ўтади. Трампнинг рақиби Оқ уй амалдаги раҳбари Жо Байден бўлиб, уни Демократик партиядаги тобора кўпроқ сиёсатчилар ёши катталиги ва соғлиғи билан боғлиқ муаммолар туфайли ўз номзодини олиб ташлашга чақирмоқда.
Тавсия этамиз
Қизалоққа қарши армия: Грета Тунберг Ғазога етиб боролмади
Жаҳон | 17:45 / 11.06.2025
Сўм 2 ҳафтада 2 фоизга мустаҳкамланди. Қандай қилиб?
Иқтисодиёт | 18:57 / 10.06.2025
Июнда об-ҳаво нисбатан салқин бўлиши кутилмоқда
Ўзбекистон | 16:47 / 10.06.2025
Ўзбекистон Mobiuz компаниясини халқаро сотувга қўйди
Ўзбекистон | 23:10 / 09.06.2025
Сўнгги янгиликлар
-
Қашқадарёдан Қорақалпоғистонгача: “Teach for Uzbekistan” таълимда нималарни ўзгартира олади?
Ўзбекистон | 18:16
-
Ўзбекистон МДҲнинг исломий молия марказига айланиш потенциалига эга — экспертлар билан суҳбат
Иқтисодиёт | 18:06
-
Исроил зарбалари оқибатида Эроннинг камида 20 нафар юқори мартабали қўмондони ҳалок бўлди
Жаҳон | 18:02
-
Тошкентда сунъий интеллект соҳасида мутахассислар тайёрланадиган Yandex ML School очилади
Ўзбекистон | 18:00
Мавзуга оид

16:47
Ҳали кеч эмас – Трамп Эронни ядровий битим тузишга чақирди

13:59
АҚШ нодавлат ташкилоти ҲАМАСни ўз ходимларини ўлдиришда айблади

09:34
«Озодлик радиоси»нинг дастурлари трансляцияси тўхтатилди

23:40 / 12.06.2025