Фарғона вилояти кадастр бошлиғи йиғилишда куракда турмайдиган сўзлар билан сўкинди

Ижтимоий тармоқларда Фарғона вилояти кадастр бошқармаси бошлиғи Нодир Машрапов ходимлари билан ўтказган йиғилишда куракда турмайдиган сўзлар билан ҳақорат қилгани акс этган видео тарқалди.

Фото: Видеодан кадр

Видеода амалдор аллақандай шахсларни назарда тутиб, агар улар “ўйин қилган” ёки босим ўтказган бўлса, ходимларидан бу ҳақда унга айтишини талаб қилган.

“Анави ҳезалак қилмаган бўлса, ***анини суғуриб олиб ҳайдайман. Агар анави …лабдек ўйин қилган бўлса. Ҳей, республикадан одам келиб ўтирибди бу ерда. Бир деганда қилиб беряпти ҳамма нарсани. Манави …донлар [нимадир] сенларни …тараётган бўлса, ***анини суғуриб оламан, …дораслар! Айт менга, одамга ўхшаб! Блят! Ҳамманг ўликка ўхшайсан”, дея дағдаға қилган Машрапов.

Воқеа қайси йиғилишда бўлгани ва видео қачон олингани маълум эмас.

Kun.uz вазиятга аниқлик киритиш мақсадида Кадастр агентлиги матбуот хизмати билан боғланди, аммо ҳолатга ҳозирча расмий муносабат тақдим қилинмади.

Фарғона вилояти кадастр бошқармасининг Тelegram-каналида шу кунларда вилоятнинг барча ҳудудларида режа-график асосида мониторинг тадбирлари ўтказилаётгани, аниқланган ноқонуний ҳолатларни бартараф этиш чоралари кўрилаётгани ҳақидаги қатор хабарлар жойлаштирилган.

#Фарғона #кадастр