Қўшимча функционаллар
-
Тунги кўриниш
Президент администрациясида қатор ўзгаришлар рўй берди
Саида Мирзиёева Администрация раҳбари лавозимини эгаллади. Комил Алламжонов унга маслаҳатчи бўлди. Департамент раҳбари Бекзод Мавлонов – президент ёрдамчиси, шу лавозимдаги Азиз Мағрупов эса давлат раҳбарининг маслаҳатчисига айланди. Тугатилган инспекцияси бошлиғи Саидлазиз Саидкаримов, департамент раҳбарлари Ўткиржон Қодиров ва Жаҳонгир Ибрагимов лавозимларини тарк этди.

Ўзбекистон Президенти администрациясида қатор ўзгаришлар юз берди. Давлат раҳбарининг фармони билан, 2023 йилда тугатилган администрация раҳбари лавозими тикланди ва бу лавозимга Саида Шавкатовна Мирзиёева тайинланди.
Саида Мирзиёева 2023 йил август ойидан бери президент ёрдамчиси сифатида ишлаб келаётган эди. У бунга қадар Ахборот ва оммавий коммуникациялар агентлиги директори ўринбосари, Миллий масс-медиани қўллаб-қувватлаш ва ривожлантириш жамоат фонди раиси ўринбосари, Президент администрациясининг коммуникациялар ва ахборот сиёсати бўйича шуъба мудири каби лавозимларда ҳам фаолият юритган.

Санаб ўтилган ташкилотларда Мирзиёева билан ёнма-ён ишлаган Комил Алламжонов ўз фаолиятида учинчи марта Президент администрациясида иш бошлади. У администрация раҳбарига жамоатчилик асосида мустақил маслаҳатчи этиб тайинланди. Комил Алламжонов ушбу лавозимда инновацион иқтисодиётни ривожлантириш, инвестицияларни жалб этиш, сўз эркинлигини таъминлаш ва мустақил оммавий ахборот воситаларини қўллаб-қувватлаш соҳаларида Саида Мирзиёевага экспертлик ёрдамини кўрсатади.
Комил Алламжонов бундан аввал администрацияда президент матбуот котиби, администрация раҳбарининг ўринбосари ва ахборот сиёсати департаменти раҳбари каби лавозимларда ишлаган. 2024 йил сентябр ойида лавозимини тарк этиб, фаолиятини хусусий секторда давом эттиришини маълум қилганди.

Шунингдек, бунга қадар президент ёрдамчиси сифатида ишлаб келган Азиз Мағрупов бу лавозимини тарк этди. У давлат раҳбарининг ташқи инвестициялар бўйича маслаҳатчиси лавозимига ўтказилди.
Президентнинг ҳуқуқий экспертиза ва комплекс таҳлил масалалари бўйича маслаҳатчиси Бекзод Мавлонов эса президент ёрдамчиси лавозимига тайинланди.

Бундан ташқари, Президент администрациясининг уч нафар мулозими лавозимидан озод этилди.
Хусусан, администрациянинг назорат инспекциясига раҳбарлик қилиб келган Саидлазиз Саидкаримов бошқа ишга ўтиши муносабати билан лавозимини тарк этди. У 2022 йил августидан бери бошқариб келган инспекция ўтган ҳафта давлат раҳбарининг кескин танқидига учраган, Шавкат Мирзиёев инспекция фаолиятини тугатишга буйруқ берган эди.
Шунингдек, Президент администрацияси Ҳудудлар билан ҳамкорлик қилиш ва таҳлилий материалларни тайёрлаш департаменти раҳбари Ўткиржон Қодиров ҳамда Режалаштириш ва ахборот таъминоти департаменти раҳбари ўринбосари Жаҳонгир Ибрагимов ҳам лавозимини тарк этди.
Эслатиб ўтамиз, Ўзбекистон Республикаси Президенти администрацияси 2018 йилда, Президент девони негизида ташкил этилган. Администрацияга 2018–2022 йилларда Зайнилобиддин Низомиддинов, 2022–2023 йилларда эса Сардор Умрзоқов раҳбарлик қилган эди.
Администрация йиғилишидан суратлар:
Тавсия этамиз
Роман Старовойт – урушнинг курсидаги қурбони
Жаҳон | 22:00 / 08.07.2025
Қозоғистонда куйдирги тарқалди, икки қишлоқ карантинга олинди
Жаҳон | 17:57 / 08.07.2025
11 июлдан IELTS имтиҳонини қоғозда топшириш бекор қилинади
Ўзбекистон | 15:45 / 08.07.2025
Ўзбекистоннинг 5 та вилоятида сел хавфи эълон қилинди
Ўзбекистон | 13:18 / 08.07.2025
Сўнгги янгиликлар
-
Россия фронтда муҳим ютуқларга эришди, Путин Трампга узил-кесил йўқ деди — “Геосиёсат”
Жаҳон | 23:17
-
Шавкат Мирзиёев 15-20 дақиқа тирбандликда қолиб кетди, Фарҳод бозорида товламачилик билан шуғулланган жиноий гуруҳ аъзолари ушланди — маҳаллий дайжест
Ўзбекистон | 23:11
-
Эстония Россияга қарши санкцияларнинг 18-пакетини блоклаш билан таҳдид қилди
Жаҳон | 23:09
-
NYT: Путин Россия армияси яқин ойларда Украина мудофаасини ёриб ўтишига ишонмоқда
Жаҳон | 22:34
Мавзуга оид

23:33 / 23.06.2025
Президент администрациясининг қатор ходимлари лавозимдан озод этилди

22:28 / 23.06.2025
Азиз Мағрупов Президент ёрдамчиси лавозимидан озод этилди

22:06 / 23.06.2025
Комил Алламжонов Президент администрациясининг янги раҳбари Саида Мирзиёевага жамоатчилик асосида мустақил маслаҳатчи сифатида тайинланди

21:25 / 23.06.2025