Зеленский Трампдан энг кучли карталар тўпламини олди — АҚШ молия вазири
Бессент Овал кабинетда Трамп Зеленский билан тортишиб қолганида, унинг қўлида «кузирлар йўқлигини» айтганини эслатди. Вазирнинг сўзларига кўра, табиий ресурслар бўйича битимни имзолаган Киевда энди кучли карталар бор.

Фото: Getty Images
АҚШ президенти Доналд Трамп бир сафар украиналик ҳамкасби Володимир Зеленскийнинг қўлида кузирлар йўқлигини айтганди, энди бўлса, унга покердаги энг кучли карталар жамланмасини тутқазди. Молия вазири Скотт Бессент Fox Business эфири вақтида табиий ресурслар бўйича имзоланган битимни шундай изоҳлади.
«Эсингизда бўлса, президент Трамп Овал кабинетда Зеленскийга «Сизда кузирлар йўқ», деганди. Биласизми нима? Президент Трамп энди унга флеш-роялни тутқазди. Чунки энди биз ушбу қарталарни олиб, Россияга раҳбариятига Украина ва АҚШ халқларининг мақсадлари ўртасида фарқ йўлигини кўрсата оламиз», — дейди Бессент.
Флеш-роял — покердаги энг юқори комбинация бўлиб, у бир хил турдаги бешта катта картадан ташкил топади: туз, қирол, мотка, саллот ва 10.
Феврал охирларида Оқ уйнинг Овал кабинетида Зеленский ва Трамп ўртасида юз берган даҳанаки жанжалда АҚШ президенти Украина етакчисига «қўлида кузирлари йўқлиги»ни айтганди. «Биз билан кузирларингиз пайдо бўлади», — деган эди ўшанда Трамп. Зеленский эса «Мен карта ўйнамаяпман. Ҳеч қанақа кузир… ҳеч қанақа кузир, жаноб президент. Мен мутлақо жиддийман…», деганди.
Зеленский ўзининг Telegram-каналида ушбу битимни «Рим папаси дафн маросими арафасида Ватикандаги учрашувнинг илк сезиларли натижаси» деб атаб, ушбу мулоқотни тарихий дея баҳолади. «Бу суҳбатнинг бошқа натижаларини ҳам интиқлик билан кутмоқдамиз», — дея қўшимча қилди Украина президенти.
Сиёсатчи таъкидлашича, битим тайёрланиш жараёнида сезиларли даражада ўзгарган ва эндиликда у «ҳақиқий тенг ҳуқуқли ҳамкорлик»ни англатади, АҚШ олдида ҳеч қандай қарздорлик назарда тутилмаган. Трамп илгари Киев АҚШдан аллақачон олинган ёрдам учун 350 миллиард доллар қарздор экани ва бу битим ушбу маблағларни қайтаришга ёрдам беришини айтган эди.
Шу билан бирга, Украина ҳукумати ҳам айрим ён беришларга борди: аввалига улар хавфсизлик кафолатларини олишда қатъий турган эди. АҚШ бу бандга қаршилик билдирди, натижада, у ҳужжатга киритилмади. Трампнинг фикрича, АҚШнинг Украинадаги фойдали қазилмаларни қазиб олиш доирасидаги иштироки «кўплаб салбий кучларни мамлакатга ёки ҳеч бўлмаганда, қазиш ишлари олиб бораётган ҳудудга ҳужум қилишдан тияди».
Тавсия этамиз
Хатолар улғайтирган жамоа. Ўзбекистоннинг мундиал сари узоқ йўли ҳақида
Спорт | 15:27 / 07.06.2025
Қайси тоифадаги талабалардан ўқишни тугатгунча гранти олиб қўйилмайди?
Ўзбекистон | 11:26 / 07.06.2025
Миллий жамоа аъзоларига BYD автомобиллари топширилади
Спорт | 16:14 / 06.06.2025
Трамп ва Маск очиқчасига уришиб кетди
Жаҳон | 12:05 / 06.06.2025
Сўнгги янгиликлар
Мавзуга оид

21:39 / 08.06.2025
АҚШ Украинага ваъда қилинган 20 мингта ракетани Яқин Шарққа юборди — Зеленский

15:06 / 08.06.2025
WSJ: Пентагон йиллар давомида НУЖ ҳақида ёлғон маълумотлар тарқатиб келган

22:08 / 07.06.2025
Илон Маск АҚШ президенти билан зиддият ортидан янги партия тузишни таклиф қилди

20:05 / 07.06.2025