Қозоғистон суперкомпютер яратишга 40-50 млн доллар сарфлайди

Қозоғистонга уч ой ичида 64 та Nvidia суперкомпютер кластери олиб келинади. Бу ҳақда рақамли тараққиёт, инновация ва аэрокосмик саноат вице-вазири Каниш Тулеушин маълум қилди.

Унинг сўзларига кўра, Қозоғистонга аллақачон Nvdia чипларининг биринчи партияси олиб келинган.

«Уларнинг нархи қиммат эмас, аниқ суммани айта олмайман. Аммо қуввати жиҳатида у қадар куч эмас. Бу биринчи навбатда, олишга рухсат берилганларидан, шунинг учун биз кичикроқ моделларни унда синаш мақсадида бу имкониятдан фойдаландик», — дейди вазир ўринбосари.

Қайд этилишича, энди вазирлик нисбатан кучли суперкомпютерларни яратиш учун сўнгги авлод H200 чипларини харид қилишни режалаштирмоқда.

«Яқин 3-4 ой ичида улар Қозоғистон ҳудудига олиб келиниб, ўрнатилишини кутяпмиз. Нархи — 40-50 миллион доллар атрофида. Бу 64 та кластер бўлгани учун чиплари сони кўп. Улар барча хавфсизлик талабларига жавоб берадиган янги дата-марказимиз базасига ўрнатилади», — дейди Тулеушин.

Эслатиб ўтамиз, ўтган йилнинг ноябрида Туркия ўзининг биринчи квант компютерини тақдим этганди. 5 кубитли турк квант компьютери аллақачон оптималлаштириш, криптография, молекуляр моделлаштириш ва сунъий интеллект каби соҳаларда ўз потенциалини намойиш этиб улгурган.