Volvo талабаларга ижарага автомобиллар беради

Volvo компанияси талабалар учун автомобиллар ижараси дастурини бошлашини эълон қилди. Гап АҚШда таҳсил олаётган хорижий талабалар ҳақида кетмоқда. Швед компанияси уларга машиналарни маълум муддатга соддалаштирилган схема бўйича олишни таклиф қилади.    

Дастур International Student Program деб ном олган ва Volvo’нинг янги моделларини беришни кўзда тутади. Ушбу хизматдан фойдаланиш учун ўз давлати ҳайдовчилик гувоҳномаси ва халқаро ҳайдовчилик гувоҳномасига, амалдаги талабалик визаси, таълим муассасасидан ҳужжат ва паспортга эга бўлиш керак.

Дастур иштирокчилари компаниянинг дастурга киритилган яқин орадаги дилерлик марказига келиб, таклиф қилинадиган автомобиллардан бирортасини танлашлари керак бўлади.

Ижара учун тўлов бир марта олинади, бироқ ҳозирча ижара ҳақи маълум қилинмаган. Автомобиллар учун суғурта кўзда тутилган, машинада юриш бўйича чеклов 15 минг милни (24 минг км) ташкил қилади, бироқ бу рақам баъзи ҳолларда ўзгартирилиши мумкин.