Argentinada suv toshqini tufayli 7500 dan ortiq kishi evakuatsiya qilindi
Argentinaning Buenos-Ayres provinsiyasida kuchli yomg‘ir suv toshqiniga sabab bo‘ldi. Odamlarni qutqarishda o‘t o‘chiruvchilar, fuqaro mudofaasi kuchlari va politsiya ishtirok etmoqda. Rasmiylar tabiiy ofatda iqlim o‘zgarishini ayblamoqda.

Foto: REUTERS/Matias Baglietto
Argentina sharqida, Buenos-Ayres provinsiyasida kuchli yomg‘ir sabab suv toshqini uch kundan beri davom etmoqda. Rasmiylarning ta’kidlashicha, 18 may, yakshanba kuni hududda har kvadrat metrga 400 mmgacha yog‘ingarchilik yog‘gan, oylik norma esa - o‘rtacha 45 mm. Meteorologlar kuchli yog‘ingarchilik va bo‘ronli shamol davom etishini bashorat qilmoqda, deya xabar beradi AFP.
7500 dan ortiq kishi evakuatsiya qilingan, deya xabar beradi mahalliy hokimiyat. 300 ga yaqin o‘t o‘chiruvchilar, fuqarolik mudofaasi kuchlari va politsiya xodimlari bunda ishtirok etmoqda. Odamlarni qutqarish uchun ular barcha mavjud suv kemalaridan, jumladan, rezina qayiq va kayaklardan foydalanilyapti.
O‘rta kattalikdagi Kampana va Sarate shaharlari falokatdan jabr ko‘rdi. Bundan tashqari, Buenos-Ayresning ayrim chekka hududlari, avtomobil yo‘llari va qishloq xo‘jaligi yerlari suv ostida qolgan. Kampana shahrida bir necha oila tunning bir qismini suv bosgan uylarining tomlarida o‘tkazdi. 44 yo‘lovchini olib ketayotgan avtobus poytaxtni mamlakat ichki hududlari bilan bog‘lovchi yo‘llardan birida 10 soatdan ortiq vaqtga to‘xtab qoldi, deb yozadi AP agentligi.
Buenos-Ayres provinsiyasi gubernatori Aksel Kisilofning aytishicha, falokatli ob-havo anomaliyasiga iqlim o‘zgarishi sabab bo‘lgan.
Mart oyi boshida Buenos-Ayres provinsiyasi janubida joylashgan Baiya-Blanka shahrida suv toshqini oqibatida 18 kishi halok bo‘lgan, 1400 dan ortiq kishi evakuatsiya qilingan. O‘shanda bu aholi punktida bir sutkadan kamroq vaqt ichida taxminan 300 mm yog‘ingarchilik kuzatildi.
Tavsiya etamiz
G‘arb Isroil Eronga zarba berishidan xavotirda. Bu haqda nimalar ma’lum va oqibatlar qanday bo‘lishi mumkin?
Jahon | 21:01 / 12.06.2025
Qizaloqqa qarshi armiya: Greta Tunberg G‘azoga yetib borolmadi
Jahon | 17:45 / 11.06.2025
So‘m 2 haftada 2 foizga mustahkamlandi. Qanday qilib?
Iqtisodiyot | 18:57 / 10.06.2025
Iyunda ob-havo nisbatan salqin bo‘lishi kutilmoqda
O‘zbekiston | 16:47 / 10.06.2025
So‘nggi yangiliklar
-
Air Arabia O‘zbekistonga va yana to‘qqizta davlatga parvozlarni to‘xtatdi
Jahon | 00:25
-
Eron Isroilga ballistik raketalarni uchirdi
Jahon | 23:46 / 13.06.2025
-
O‘zbekiston G‘azoda urushni to‘xtatish haqidagi BMT rezolyutsiyasiga qo‘shildi
Jahon | 23:21 / 13.06.2025
-
Erondagi masjid uzra qizil «qasos bayrog‘i» ko‘tarildi
Jahon | 23:12 / 13.06.2025
Mavzuga oid

18:36 / 11.06.2025
Argentina sobiq prezidenti Kristina Kirshner 6 yillik qamoqqa hukm qilindi

13:11 / 05.06.2025
Nigeriyada suv toshqinlari oqibatida 500 dan ortiq kishi bedarak yo‘qoldi

18:29 / 27.05.2025
Argentina Britaniyani Folklend orollari bo‘yicha muzokaralarni qayta tiklashga chaqirdi

17:56 / 12.05.2025