Pavel Durovning Fransiyadagi ishi kamida 1 yildan keyin sudga oshiriladi
Telegram jinoyatchilar bilan bog‘liq ma’lumotlarni so‘rab yo‘llangan murojaatlarga javob qaytarmay kelgan. Prokuraturaga ko‘ra, Durovning sukut saqlashi jinoyatga sheriklik bilan teng.

Foto: AP
Telegram asoschisi Pavel Durovga qarshi Fransiyada ochilgan ish kamida bir yildan yoki undan ham uzoqroq muddatdan keyin sudga oshiriladi. Bu haqda fransuz prokuraturasining vakili Maylis de Rek ma’lum qildi.
Uning so‘zlariga ko‘ra, hozircha biror-bir tinchlik kelishuvini muhokama qilishga erta. Durov ishi bo‘yicha Wired’da e’lon qilinga katta materialda ta’kidlanishicha, Telegram asoschisi «Fransiyada qolib ketgan», uning messenjeri esa «o‘zini almashtirib bo‘lmaydigan inson sifatida tanishtirib kelgan yetakchisi qachon almashishini» kutgan holda «muallaq holatda» turibdi.
De Rekning aytishicha, uning jamoasi Telegram jinoyatchilar bilan bog‘liq ma’lumotlarni so‘rab yo‘llangan murojaatlarga javob qaytarmagani tufayli turli departamentlardagi tergovlar to‘xtab qolganini tushunib yetgach, Durovni hibsga olishga order berilgan. Huquq-tartibot organlarining fikricha, Durovning sukut saqlashi jinoyatga sheriklik bilan teng.
Liberation nashri ma’lumotlarga ko‘ra, fransuz jandarmeriyasining o‘zi 2013 yildan 2024 yilga qadar Telegramʼga 2460 ta yuridik so‘rov yuborgan va ular javobsiz qoldirilgan.
Telegramʼning tashqi va hukumat bilan aloqalarini boshqargan Yuliya Konli platformada sodir bo‘lgan barcha narsalar uchun mas’uliyat Durov zimmasiga yuklanishini «bema’nilik» deya hisoblashini aytdi.
Telegram asoschisi Pavel Durov 2024 yil avgust oyi oxirida Parij aeroportida hibsga olingan edi. U messenjerni yetarlicha moderatsiya qilmaganlikda gumon etilmoqda. Jandarmeriya ma’lumotlariga ko‘ra, bu va uning hamkorlik qilishdan bosh tortishi uni bolalar pornografiyasi, firibgarlik va boshqa jinoyatlarni tarqatishda sherik qiladi. Keyinroq Durov 5 million yevro garov va haftasiga ikki marta politsiya bo‘limiga xabar berish majburiyati evaziga ozod qilindi.
Joriy yilning yanvar o‘rtalarida Durov fransiyalik tergovchilarga foydalanuvchilarning messenjer qoidalariga bo‘ysunishini muntazam nazorat qilish jarayonini yaxshilashga va’da bergandi.
Tavsiya etamiz
Yana yuzlab odam aldangan: Alfa va Baraka avtolizing sudidan reportaj
Jamiyat | 11:25 / 18.06.2025
Isroil eronliklar tuzumga qarshi isyon ko‘tarishiga umid qilmoqda. Buning ehtimoli bormi?
Jahon | 20:00 / 17.06.2025
Hozirda sirtqi ta’limda o‘qiyotganlar o‘qishini qay tartibda davom ettiradi?
O‘zbekiston | 11:14 / 17.06.2025
Qo‘rquv, shok va sarosima: Eronda nimalar bo‘lmoqda?
Jahon | 19:57 / 16.06.2025
So‘nggi yangiliklar
-
“Rejim qulashiga to‘g‘ri kelsa, Moskva yordamga kelishi mumkin” – turkiyalik tahlilchi
Jahon | 16:00
-
Malayziya ko‘chmas mulk kompaniyasi O‘zbekistonga investitsiya kiritmoqchi
Iqtisodiyot | 16:00
-
Ekspertlar: Isroilning G‘azoga yordam olib ketayotgan kemaga qarshi harakatlari xalqaro qonunlarga ziddir
Jahon | 15:45
-
O‘zbekiston bozoriga Belarusdan mol go‘shti maqbul narxlarda yetkazib berilishi mumkin
Iqtisodiyot | 15:34
Mavzuga oid

12:39 / 11.06.2025
Telegram FSB bilan aloqa haqidagi ayblovlarga javob qaytardi

17:30 / 04.06.2025
Rasmlarni HD formatda yuborish, audio xabarlarni kesish va kanallar bilan muloqot – Telegram’da yangilanishlar

19:19 / 28.05.2025
Telegram'ga Ilon Maskning Grok sun’iy intellekti integratsiya qilinadi

23:21 / 24.05.2025