Murodjon Ahmadaliyev nokaut bilan g‘alaba qozonib, kamar sohibiga aylandi
O‘zbekistonlik bokschi Murodjon Ahmadaliyev uchinchi raundda Rikardo Espinosani texnik nokaut bilan mag‘lub etib, WBA yo‘nalishi bo‘yicha vaqtinchalik jahon chempioni unvonini qo‘lga kiritdi. Jangdan keyin u mutlaq chempion Naoi Inouega qarshi ringga chiqishni aytdi.

Foto: Mark Robinson / Matchroom Boxing
15 dekabr, shanbadan yakshanbaga o‘tar kechasi Monte-Karloda professional boks kechasi o‘tkazilib, oqshomning markaziy jangi o‘zbekistonlik bokschi Murodjon Ahmadaliyev ishtirokida o‘tdi.
Professional boksning yarim yengil vazn toifasida sobiq jahon chempioni, 30 yoshli Murodjon Ahmadaliyev (12-1, 9 KO) meksikalik 27 yoshli Rikardo Espinosa Frankoga (30-4, 25 KO) qarshi ringga ko‘tarildi. 12 raundga belgilangan jangda WBA Interim (vaqtincha) chempionlik kamari tikilgan edi.
Jangni shiddatli boshlagan Murodjon 3-raunddayoq raqibini ringga qulatdi. Ushbu raundda Espinosani ikki marta nokdaun holatiga tushirgan o‘zbek bokschisi 3-marta raqibini ringga yiqitgach, referi texnik nokaut qayd etib, jangni to‘xtatdi. Natijada, Ahmadaliyev WBA Interim kamari sohibiga aylandi.
Jangdan keyin o‘zbekistonlik bokschi 2025 yilda yaponiyalik mutlaq jahon chempioni Naoi Inouega qarshi ringga chiqishni kutayotganini aytdi. Ahmadaliyev Naoidan kamar sohibligi yo‘qotishdan qo‘rqmasa, u bilan jangga chiqishga tayyorligini ma’lum qildi.
Inoue chempionlik unvonini 24 yanvar kuni IBF`ning majburiy raqibi Sem Gudmanga qarshi himoya qiladi.
Naoi Inoue super vazn toifasida amaldagi mutlaq jahon chempioni, to‘rtta vazn toifasini zabt etishga muvaffaq bo‘lgan va hech qachon mag‘lub bo‘lmagan bokschi hisoblanadi. Yaponiyalik bokschi Jahon boks kengashi (WBC), Butunjahon boks tashkiloti (WBO), Xalqaro boks federatsiyasi (IBF) va Butunjahon boks assotsiatsiyasi (WBA) chempionlik unvonlariga ega.

Tavsiya etamiz
Kredit olishga taqiq va Freeze xizmati: ularning farqi nima?
Jamiyat | 09:02
Imtihon yaqin: bu yil abituriyentlarni nimalar kutyapti? – eng muhim savollarga rasmiylardan javoblar
O‘zbekiston | 12:11 / 25.06.2025
Eronning amaldagi siyosiy tizimi. U qanday paydo bo‘lgandi?
Jahon | 19:30 / 24.06.2025
Urushga qo‘shilgan AQSh, «butun Ukraina bizniki» degan Putin – hafta dayjesti
Jahon | 18:52 / 22.06.2025
So‘nggi yangiliklar
-
Sifatli chiziq – xavfsiz hayot. O‘zbekiston yo‘llarida “yo‘qolib ketadigan” chiziqlar haqida
Jamiyat | 19:00
-
Eronda Isroil foydasiga josuslik qilishda gumonlanib, qariyb 700 kishi hibsga olindi
Jahon | 18:56
-
Xitoy quyosh va shamol energiyasini rivojlantirish bo‘yicha rekord o‘rnatdi
Jahon | 18:51
-
Urushning iqtisodiy jihatlari: Eron va Isroil milliardlab dollar yo‘qotdi
Jahon | 18:18
Mavzuga oid

22:13 / 20.06.2025
Yaponiyalik bokschi chempionlik unvoni uchun jangdan so‘ng xotirasini yo‘qotdi

10:48 / 31.05.2025
Bektemir Meliqo‘ziyev amerikalik bokschidan ustun keldi

09:55 / 31.05.2025
Murodjon Ahmadaliyev meksikalik bokschini mag‘lubiyatga uchratdi

08:15 / 18.05.2025