Albaniya YeIga qo‘shilish bo‘yicha muhim muzokaralarni boshladi
Albaniya NATOga 2009 yilda qo‘shilgan va o‘sha yilning o‘zida YeI a’zoligi uchun ariza bergan. Bu borada o‘tkazilgan birinchi hukumatlararo konferensiya 2022 yil iyulda tashkil etilgandi.

Foto: Johanna Geron/REUTERS
Lyuksemburgda Albaniyaning Yevropa Ittifoqi a’zoligiga qabul qilishga bag‘ishlangan muzokaralar boshlandi. Bryussel va Tirana vakillari 15 oktyabr kuni o‘zaro manfaatli masalalarni, xususan, Albaniyada qonun ustuvorligini muhokama qildi.
«Biz Albaniyani 2030 yilda YeIga qo‘shilishga tayyorlaymiz», — deya va’da qildi mamlakat bosh vaziri Edi Rama. Uning so‘zlariga ko‘ra, Tirana «vanihoyat ishning eng qiyin qismini boshlashga urinmoqda». Vazirlar Mahkamasi rahbarining qayd etishicha, Rossiyaning Ukrainaga qarshi urushi «G‘arbiy Bolqon Yevropa Ittifoqi yanada kuchliroq bo‘lishi uchun, shu bilan birga, G‘arbiy Bolqon ham Yevropa Ittifoqiga qo‘shilishga muhtoj».
«Biz albanlar shaxsiy erkinlik, qonun ustuvorligi va demokratiya haqida gap ketganda «B» rejaga ega bo‘lolmaymiz Yevropa Ittifoqiga a’zo bo‘lishning har qanday muqobilligi biz tanlagan hayot tarzimizdan voz kechishni anglatadi»», — deydi Rama.
Albaniya NATOga 2009 yilda qo‘shilgan va o‘sha yilning o‘zida YeI a’zoligi uchun ariza bergan. Bu borada o‘tkazilgan birinchi hukumatlararo konferensiya 2022 yil iyulda tashkil etilgandi. Jarayonlarning uzoq vaqtga cho‘zilishiga Shimoliy Makedoniyaning yevrointegratsiyasi sabab bo‘ldi. Ammo sentabr oyida YeI davlatlari ushbu amaliyotdan voz kechdi va hozirda muzokaralar yangi turtki bilan davom etmoqda.
Avvalroq NATO tashkilotining G‘arbiy Bolqondagi birinchi aviabazasi Albaniyada ish boshlagandi. U Kuchova shahridagi modernizatsiya qilingan harbiy aerodromda joylashgan.
Mavzuga oid

20:49 / 09.06.2025
NATOning Atlantic Trident 25 havo mashg‘ulotlari ilk bor Finlandiyada o‘tkaziladi

16:24 / 09.06.2025
Yevropaga ochilayotgan eshik: Slovakiya bosh vaziri tashrifi va O‘zbekiston uchun yangi imkoniyatlar

11:52 / 07.06.2025
YeI va BMT AQShni XJC sudyalariga qarshi sanksiyalarni bekor qilishga chaqirdi

11:22 / 06.06.2025