Eronda Raisiy vertolyotining qulashi bo‘yicha o‘tkazilgan tergov yakunlandi
Halokatni tergov qilgan komissiyaning yakuniy hisobotida keltirilishicha, ichida Eron prezidenti Ibrohim Raisiy bo‘lgan vertolyotning qulashiga «noqulay ob-havo sabab bo‘lgan».

Foto: Sputnik
Eronning sobiq prezidenti Ibrohim Raisiy vertolyoti yomon ob-havo tufayli halokatga uchragan. Bu haqda mazkur fojiani tergov qilgan komissiyaning yakuniy hisobotida so‘z boradi.
Bortida 63 yoshli prezident Ibrohim Raisiy, tashqi ishlar vaziri Husayn Amir Abdullohiyon, shuningdek, Tabriz masjidi imomi Sayid Muhammad Ali al-Hoshim va Sharqiy Ozarboyjon viloyati gubernatori Malik Rahmatiy bo‘lgan vertolyot 19 may kuni Eron shimoli-g‘arbida qulab tushgandi. Eron delegatsiyasi Ozarboyjondan qaytayotgan edi.
Tergov komissiyasi hisobotida keltirilishicha, halokat «mintaqadagi murakkab ob-havo sharoiti tufayli» yuz bergan. Ya’ni kutilmaganda paydo bo‘lgan qalin tuman oqibatida vertolyot tog‘ bilan to‘qnashib ketgan.
Sud-tibbiy ekspertiza qurbonlarning jasadlarida «shubhali moddalar» aniqlamagan. Mutaxassislar vertolyotning texnik holatiga oid barcha hujjatlarni o‘rganib chiqib, belgilangan me’yoriy hujjatlar asosida ta’mirlangan va tekshirilgan degan xulosaga kelgan. Uchuvchilar oldindan belgilangan marshrut bo‘ylab parvoz qilgan va berilgan parvoz yo‘lidan chetga chiqmagan.
Raisiy 23 may kuni o‘zining tug‘ilib o‘sgan shahri Mashhadda dafn qilindi. Shahar meri so‘zlariga ko‘ra, dafn marosimiga 3 millionga yaqin odam kelgan. Prezidentning jasadi XIII asrga oid oltin gumbazli arxitektura majmuasi bo‘lgan Imom Rizo maqbarasiga qo‘yildi.
30 iyul kuni esa Tehrondagi Eron parlamenti binosida mamlakat saylangan prezidenti Mas’ud Pizishkiyonning qasamyod qabul qilish marosimi bo‘lib o‘tdi. Eron manbalariga ko‘ra, marosimda 80 dan ortiq davlatdan yuqori martabali mehmonlar ishtirok etgan.
Tavsiya etamiz
Qizaloqqa qarshi armiya: Greta Tunberg G‘azoga yetib borolmadi
Jahon | 17:45 / 11.06.2025
So‘m 2 haftada 2 foizga mustahkamlandi. Qanday qilib?
Iqtisodiyot | 18:57 / 10.06.2025
Iyunda ob-havo nisbatan salqin bo‘lishi kutilmoqda
O‘zbekiston | 16:47 / 10.06.2025
O‘zbekiston Mobiuz kompaniyasini xalqaro sotuvga qo‘ydi
O‘zbekiston | 23:10 / 09.06.2025
So‘nggi yangiliklar
-
Qashqadaryodan Qoraqalpog‘istongacha: “Teach for Uzbekistan” ta’limda nimalarni o‘zgartira oladi?
O‘zbekiston | 18:16
-
O‘zbekiston MDHning islomiy moliya markaziga aylanish potensialiga ega - ekspertlar bilan suhbat
Iqtisodiyot | 18:06
-
Isroil zarbalari oqibatida Eronning kamida 20 nafar yuqori martabali qo‘mondoni halok bo‘ldi
Jahon | 18:02
-
Toshkentda sun’iy intellekt sohasida mutaxassislar tayyorlanadigan Yandex ML School ochiladi
O‘zbekiston | 18:00
Mavzuga oid

18:35 / 09.05.2025
Shri-Lankada vertolyot qulashi oqibatida 6 kishi halok bo‘ldi

08:55 / 11.04.2025
Nyu-Yorkda vertolyot daryoga quladi, olti kishi halok bo‘ldi

14:38 / 06.01.2025
NASA Marsni o‘rganishga mo‘ljallangan yangi vertolyotni namoyish etdi

22:27 / 25.12.2024