Eron harbiy paraddagi terakt ortidan Yevropaning 3 davlati elchilarini chaqirdi

Eron Tashqi ishlar vazirligi 22 sentabr kuni Ahvoz shahrida harbiy parad vaqtida amalga oshirilgan terakt tufayli Daniya va Niderlandiya elchilarini, shuningdek, Buyuk Britaniyaning muvaqqat vakilini vazirlikka chaqirdi. Bu haqda The Guardian xabar tarqatgan.

Eronlik diplomatlar ushbu mamlakatlarda terakt sodir etgan guruhlar yashiringani haqida protest yo‘llashgan. Eron tomoni jinoyatchilar va ularning sheriklarini yo‘q qilishga chaqirgan.

Eron Tashqi ishlar vazirligi vakili Bahrom Qosimiy Yevropa Ittifoqi bu guruhlarni «Yevropada terakt sodir etmagani uchungina» terroristik guruhlar safiga kiritmaganidan arz qilgan.

22 sentabr kuni Ahvozdagi harbiy terakt vaqtida sodir etilgan terakt oqibatida kamida 29 kishi halok bo‘ldi.

Ushbu terakt uchun IShID hamda Saudiya Arabistoni bilan aloqadorligi gumon qilinadigan «Ahvozdagi arab vatanparvarlari demokratik harakati» guruhi o‘z zimmasiga oldi.