Кремл Мединскийни яна Украина билан музокараларга жўнатади

АҚШ президенти Трамп Мединскийни музокаралар жараёнидан четлаштиришни сўради. Аммо Россия ТИВ 2 июндаги музокараларда Россия делегацияси таркиби ўзгармаслигини таъкидлади.

Фото: picture alliance/dpa/TASS

Россия АҚШ президенти Доналд Трамп илтимосига зид равишда яна бир бор Путиннинг ёрдамчиси Владимир Мединскийни Украина билан музокарага жўнатади. Россия ташқи ишлар вазирлиги расмий вакили Мария Захарова 29 май, пайшанба куни «Россия 24» телеканалида 2 июн куни Истанбулда бўлиб ўтиши режалаштирилган учрашувда Россия делегацияси таркиби ўзгаришсиз қолишини маълум қилди.

Мединский 2022 йилда Истанбулда ва шу йилнинг май ойида Украина билан музокараларда Россия делегациясига бошчилик қилган, бироқ унинг иштироки ғарб воситачиларининг норозилигига сабаб бўлган. Трамп маъмурияти уни музокаралар жараёнидан четлаштиришни талаб қилди.

Киев ва Москва ўртасидаги алоқаларни ташкил қилиш учун масъул бўлган америкалик расмийлар музокараларда «қаттиқ сиёсат тарафдорлари» иштирок этишига қарши чиқди, жумладан, Россиянинг собиқ маданият вазири, Россиянинг Украинага бостириб киришини оқловчи тарғибот тарихи бўйича дарслик муаллифи Мединский. Мединский рус халқида «қўшимча хромосома» борлиги ҳақидаги баёноти билан ҳам машҳур.

#Украина #Россия #Кремл #Владимир Мединский