Сунъий интеллект ўзбек тилида шевада гапиришни бошлади
Aiphoria компанияси Ўзбекистонда ўзбек тилида табиий мулоқот қила оладиган сунъий интеллект (SI) агентларини тақдим этди.
Мазкур ечим нафақат кўплаб мураккаб тил ва лингвистик тўсиқларни енгди, балки маҳаллий талабларга мослашган юқори сифатли нутқ технологиясини яратишда муҳим қадам бўлди. Лойиҳа 2024 йилда Aiphoria компанияси томонидан Ўзбекистондаги етакчи банклардан бири билан ҳамкорликда сунъий интеллектга асосланган, тўлиқ автоматлашган овозли агентлар яратиш мақсадида бошланган эди. Бунинг учун банк мутахассисларидан иборат жамоа тузилди ва жалб қилинди.
Лойиҳа доирасида ўзбек тилидаги реал мулоқотлар — ҳудудий шева, урғу ва рус тили аралашган ҳолатлар — инобатга олиниб, махсус овозни аниқлаш (ASR), овоз синтези (TTS) ва катта тил моделлари (LLM) асосидаги ечим ишлаб чиқилди. Аниқ нутқни тушуниш тизимини ишлаб чиқишда асосий диққат банкнинг call-маркази орқали жамланган реал, анонимлаштирилган аудио маълумотларга қаратилди. Очиқ манбалар ва реал сўровлар асосида махсус белгилаш ва нормаллаштириш ишлари олиб борилди.
Белгилаш жараёнида тилшунослар, муҳаррирлар ва call-марказ ходимлари иштирок этди. Улар ёрдамида 7000 дан ортиқ нормаллаштириш қоидалари базаси шакллантирилди. Лексикада банкка хос терминлар — масалан, “аннуитет тўловлари”, “КАТМ” каби атамаларга алоҳида эътибор берилди.
Мулоқотнинг реал ечимига эришиш учун актрисалар томонидан 100 соатдан ортиқ турлича услубда ўқилган матнлар жойлаштирилиб, уч хил овоз оҳанги — дўстона, нейтрал ва қатъий — турли мулоқот вазиятлари учун яратилди. Сўнгра нейрон тармоқ асосидаги овоз синтези моделлари тайёрланди ва call-марказ “ветеранлари” томонидан баҳоланди.
Натижада банкда Collection Agent каби AI-ходимлар жорий этилди. Ушбу агент қўнғироқларнинг 40% гача улушини қайта ишлаб, инсонга нисбатан 10 баробар самарали фаолият кўрсатмоқда. Бундай агент иш ҳақи талаб қилмайди, касал бўлмайди ва ҳар доим хизматга тайёр. Энг муҳими, у юқори самарадорлик билан реал мулоқот қилиш қобилиятига эга.
Бу лойиҳа нафақат технологик жиҳатдан юқори даражадаги ечим, балки Ўзбекистонда сунъий интеллектни локаллаштириш бўйича илк муваффақиятли тажрибалардан бири сифатида тарихга кириши мумкин.
Тавсия этамиз
Исроил–Эрон урушининг Марказий Осиё учун геосиёсий мезонлари қандай?
Жаҳон | 22:13 / 18.06.2025
Клублар ўртасидаги ЖЧда кўпчиликка нотаниш бўлган 11 истеъдод. Кимлар турнир кашфиёти бўлиши мумкин?
Спорт | 20:34 / 18.06.2025
Яна юзлаб одам алданган: Alfa va Baraka avtolizing судидан репортаж
Жамият | 11:25 / 18.06.2025
Исроил эронликлар тузумга қарши исён кўтаришига умид қилмоқда. Бунинг эҳтимоли борми?
Жаҳон | 20:00 / 17.06.2025
Сўнгги янгиликлар
-
Катта АЭС битими, Фарғонадаги “маска-шоу” ва қулаётган доллар — ҳафта дайжести
Ўзбекистон | 08:03
-
«Фордо энди йўқ» – АҚШ Эрондаги ядровий объектларга зарба берди
Жаҳон | 06:21
-
Бразилияда ҳаво шари қулаши оқибатида саккиз киши ҳалок бўлди
Жаҳон | 06:02
-
Эрон президенти мамлакатнинг ядровий дастурдан воз кечмаслигини айтди
Жаҳон | 02:11
Мавзуга оид

20:21 / 03.06.2025
Сунъий интеллект томонидан яратилган дори ўпка касаллигини даволашда самара кўрсатди

17:40 / 24.05.2025
Сунъий интеллект тобора кучайиб бормоқда, лекин кўпроқ хатога йўл қўймоқда – ОАВ

20:47 / 22.05.2025
АҚШ газетаси СИ томонидан ўйлаб топилган сохта китоблар рўйхатини чоп этди

17:15 / 08.05.2025