Дунёда ўз давлати ичида кўчишга мажбур бўлганлар сони 83 млндан ошди
Ўз мамлакати ичида кўчиб ўтишга мажбур бўлганлар сони олти йил ичида икки баравар кўпайди. Кўчишларнинг 90 фоизи можаролар ва зўравонлик билан боғлиқ.

Фото: UNICEF/UNI657364/El Baba
Нодавлат нотижорат ташкилотлари маълумотларига кўра, қуролли можаролар, табиий офатлар ва иқлим ўзгаришининг янада ёмонлашуви туфайли бутун дунё бўйлаб ўз уйини ташлаб кетганлар сони янги юқори даражага кўтарилди. 13 май, сешанба куни Женевада чоп этилган Норвегия қочқинлар кенгаши ва у асос солган ички кўчиш мониторинги маркази томонидан эълон қилинган ҳисоботга кўра, 2024 йилда дунё бўйлаб 83,4 миллионга яқин одам яшаш жойларини ташлаб, ўз мамлакатларининг бошқа қисмларига кўчиб ўтишга мажбур бўлган.
Охирги олти йил ичида дунё бўйлаб ўз уйини ташлаб кетганлар сони икки баравар ошди: 2018 йилда бу кўрсаткич 40,6 миллион кишини, 2020 йилда – 54,1 миллионни, 2022 йилда – 69,8 миллионни ташкил этди.
Ҳужжатда айтилишича, 2024 йилда ички кўчишларнинг 90 фоизи (деярли 73,5 миллион) можаролар ва зўравонликлар туфайли содир бўлган. Бу 2018 йилга нисбатан 80 фоизга кўп. Фуқаролар уруши авж олган Суданнинг ўзида 11,6 миллион ички кўчирилганлар бор – бу бошқа мамлакатлардан кўп. Сурияда бу кўрсаткич 7,4 миллион, Колумбияда 7,3 миллион, Конго Демократик Республикасида 6,2 миллион, Яманда 4,8 миллион кишини ташкил қилган.
Табиий офатлар 10 миллионга яқин одамнинг ўз мамлакатлари ичида кўчишига сабаб бўлди, уларнинг энг кўп сони Афғонистонда (1,3 миллион), Чадда (1,2 миллион), Филиппинда (1 миллион), Эфиопияда (757 минг) ва Сомалида (733 минг). Мутахассисларнинг таъкидлашича, ушбу тоифадаги ички кўчишларнинг қарийб 99,5 фоизи иқлим ўзгариши билан боғлиқ офатларга тааллуқли.
Тавсия этамиз
Хатолар улғайтирган жамоа. Ўзбекистоннинг мундиал сари узоқ йўли ҳақида
Спорт | 15:27 / 07.06.2025
Қайси тоифадаги талабалардан ўқишни тугатгунча гранти олиб қўйилмайди?
Ўзбекистон | 11:26 / 07.06.2025
Миллий жамоа аъзоларига BYD автомобиллари топширилади
Спорт | 16:14 / 06.06.2025
Трамп ва Маск очиқчасига уришиб кетди
Жаҳон | 12:05 / 06.06.2025
Сўнгги янгиликлар
-
Карлови Вари — Европанинг асосий соғломлаштириш жойи
Жамият | 15:00
-
Шавкат Мирзиёев ва Словакия бош вазири биргаликда дарахт экди
Жаҳон | 16:56
-
Жамоа устунлари: йўлланма қўлга киритилишида кимлар қандай ҳисса қўшди?
Спорт | 16:29
-
Европага очилаётган эшик: Словакия бош вазири ташрифи ва Ўзбекистон учун янги имкониятлар
Ўзбекистон | 16:24
Мавзуга оид

11:22 / 28.05.2025
Германиядаги қочқинлар сони 3,5 миллион кишига етди

15:05 / 07.03.2025
Бизнес учун статистика ҳисоботлари ҳажми камаяди

00:25 / 08.01.2025
Нидерландияда бошпана сўраб мурожаат қилганлар сони тўрт йил ичида биринчи марта камайди

22:52 / 05.01.2025