Қўшимча функционаллар
-
Тунги кўриниш
Озарбойжон Шимолий Кипрни қўллаб-қувватлади
Президент Илҳом Алиев Ғарбнинг икки ёқлама стандартларига қарамасдан, Шимолий Кипр Турк Республикаси (ШКТР) мустақиллигини тан олишни қўллаб-қувватлашини маълум қилди

Фото: Озарбойжон президенти матбуот хизмати
Озарбойжон Шимолий Кипр Турк Республикаси (ТРШК) Туркий давлатлар ташкилотида кузатувчи мақоми берилишида ҳал қилувчи рол ўйнади ва унинг тўлақонли халқаро тан олинишини қўллаб-қувватлашда давом этади. Бу ҳақда Озарбойжон президенти Илҳом Алиев Хонкенди шаҳридаги АДА университетида бўлиб ўтган «Янги жаҳон тартиби сари» халқаро форумида маълум қилди.
«Биз бу масалани қўллаб-қувватлаётган фаол давлатлардан биримиз. Президент [Эрсин] Татар Шуша шаҳридаги норасмий саммитга таклиф қилинди ва у унда қатнашди. Ўша ерда Шимолий Кипр байроғи ҳам ҳилпираб турди», — деди Алиев.
Озарбойжон раҳбари ШКТРга нисбатан ўз мамлакати мавқейи доимо қатъий бўлганини таъкидлаб ўтди: «Биз доимо ўз биродарларимизнинг ёнидамиз. Бизнинг сиёсатимиз доимо очиқ бўлган. Бу масалада бизда бошқа кун тартиби йўқ. Биз фақат уларга ўз давлатини сақлаб қолишда қандай ёрдам бера олишимизни ўйлаймиз. Улар буни ўз тарихлари ва амаллари билан муносиб равишда қўлга киритишган».
Алиев халқаро ҳамжамиятнинг Кипр масаласидаги икки ёқлама стандартларига эътибор қаратди ва оролни бирлаштириш бўйича ўтказилган референдумни ёдга олди: «Турк Кипри бирлашиш учун овоз берди, юнон кипрликлар эса қарши чиқди. Оқибатда нима бўлди? Юнон Кипри Европа Иттифоқига қабул қилинди. Бу адолатлими?»
«Бу — икки ёқлама стандартларнинг яққол намунаси эди. Сиёсатчилар эса бу ҳақда гапиришни исташмайди. Чунки агар улар буни тилга олса, бошқа ноқулай муаммолар ҳам пайдо бўлиши мумкин», — дея қўшимча қилди Озарбойжон президенти.
Алиев сўзининг якунида таъкидлади: «Мен Шимолий Кипрдаги биродарларимни ишонтирмоқчиманки, биз доимо улар билан бўламиз. Уларнинг давлати мустақил давлат сифатида мустаҳкамланиши ва халқаро ҳамжамият томонидан тан олиниши учун биз доим қўллаб-қувватлаймиз».
Шимолий Кипр раҳбари Эрсин Татар Озарбойжон билан алоқалар ривожланаётганидан мамнуният изҳор қилди, умумий қадриятлар ва икки халқни боғлаб турувчи узвий ришталар мустаҳкам эканини таъкидлади.
Тавсия этамиз
Навбатдаги чўпчак: Ўзбекистонда криптовалюта “қазиб олувчи” ускуна ижарасидан даромад олиш таклиф этилмоқда
Жамият | 20:37 / 14.07.2025
Тошкентда пиёдаларга йўл бермаган ҳайдовчиларни қайд этувчи камералар ишга туширилди
Жамият | 17:45 / 14.07.2025
Тошкентда ЙПХ ходими хизмат машинасида мотоциклчи билан пойга ўйнади
Ўзбекистон | 17:53 / 12.07.2025
Жар ёқасидаги соҳа: Муаммолар кўрсатилди, вазирлар эса жим
Ўзбекистон | 16:43 / 12.07.2025
Сўнгги янгиликлар
-
Депутатлар дала четларига экин экишга оид баҳсли қонун лойиҳасини ўзгаришлар билан қабул қилди
Ўзбекистон | 16:03
-
Қашқадарёдаги газ заправкасида катта ёнғин чиқди
Ўзбекистон | 15:59
-
Салқинликни сақлаб қолинг: ёз кунларида хонадонда энергияни тежаш бўйича 10 маслаҳат
Жамият | 15:18
-
Эскалаторлар хавфсизлиги тўғрисидаги техник регламент тасдиқланади
Ўзбекистон | 15:05
Мавзуга оид

20:57 / 14.07.2025
АҚШ Зангезур йўлагини 100 йилга ижарага олмоқчи

19:18 / 12.07.2025
Аш-Шаръа Бокуга келди: Озарбойжон Сурия газ таъминотига ёрдам бермоқчи

21:05 / 11.07.2025
“Кавказда Россия энди лидер эмас, оддий иштирокчига айланмоқда” — сиёсатшунос

08:45 / 11.07.2025