Yevroittifoq Rossiyaning 150 ta tankeriga qarshi sanksiyalar joriy etadi - Bloomberg
YeI Rossiyaga qarshi sanksiyalarning 17-paketini tayyorlamoqda. U 20 may kuni Bryusselda o‘tkaziladigan yig‘ilishda qabul qilinishi mumkin.

Foto: Blomberg
Yevropa Ittifoqining Rossiyaga qarshi navbatdagi sanksiyalar paketidan 60 ta jismoniy va yuridik shaxs, shuningdek, «soyadagi flot»ning bir qismi bo‘lgan 150 ga yaqin tanker o‘rin oladi. Bu haqda Bloomberg o‘z manbalariga tayanib xabar berdi.
YeI Tashqi ishlar vazirlari Bryusselda 20 may kuni o‘tkaziladigan uchrashuvda yangi sanksiyalar paketini tasdiqlash niyatida.
Agentlikning qayd etishicha, agar cheklov choralari kuchga kirsa, sanksiyalarga uchragan Rossiya neftini tashuvchi kemalar soni 300 taga yetadi. Yevrokomissiyaning Rossiya energiya resurslaridan voz kechish bo‘yicha «yo‘l xaritasi»da «soyadagi flot»ga qarshi kurashning yangi choralari haqida so‘z boradi.
Sanksiyalar paketini qabul qilish uchun YeIga a’zo barcha davlatlarning qo‘llab-quvvatlovi kerak bo‘ladi. Manbalarga ko‘ra, Yevropa Ittifoqining ayrim davlatlari bu kabi qarorlarni qabul qilishda Budapesht vetosini aylanib o‘tish imkoniyatini muhokama qilmoqda.
Sanksiyalarning 16-paketi 24 fevralda tasdiqlangan edi. U orqali YeI Rossiyaning yana 13 ta bankiga SWIFT tizimidan foydalanishni taqiqlagan. Shuningdek, RFdan birlamchi alyuminiy importi va Rossiyaga tegishli sakkizta OAVning Yevropadagi faoliyati to‘xtatilgan. Qora ro‘yxatdan 48 kishi va 35 ta yuridik shaxs o‘rin olgan. Bunga javoban Rossiya mamlakatga kirish taqiqlangan YeI fuqarolari ro‘yxatini kengaytirgan edi.
Tavsiya etamiz
G‘arb Isroil Eronga zarba berishidan xavotirda. Bu haqda nimalar ma’lum va oqibatlar qanday bo‘lishi mumkin?
Jahon | 21:01 / 12.06.2025
Qizaloqqa qarshi armiya: Greta Tunberg G‘azoga yetib borolmadi
Jahon | 17:45 / 11.06.2025
So‘m 2 haftada 2 foizga mustahkamlandi. Qanday qilib?
Iqtisodiyot | 18:57 / 10.06.2025
Iyunda ob-havo nisbatan salqin bo‘lishi kutilmoqda
O‘zbekiston | 16:47 / 10.06.2025
So‘nggi yangiliklar
-
Isroil Eronga hujum chog‘ida 200 ta samolyotdan birontasini ham yo‘qotmadi
Jahon | 10:31
-
Isroil butun dunyodagi elchixonalari va konsulliklarini yopdi
Jahon | 10:27
-
AEXA: Eronning Natanzdagi obektida radiatsiya sizib chiqdi
Jahon | 10:24
-
Isroildagi o‘zbekistonliklarga zaruriyatsiz ko‘ngilochar joylarga bormaslik tavsiya qilindi
O‘zbekiston | 10:13
Mavzuga oid

21:14 / 06.06.2025
YeIga a’zo 5 ta davlat bolalar uchun TikTok va YouTubeʼni taqiqlash taklifi bilan chiqdi

15:39 / 05.06.2025
AQSh va YeI bojlar bo‘yicha muzokarani davom ettirmoqda

11:25 / 03.06.2025
YeI va AQSh Rossiyaga qarshi yangi sanksiyalarni muhokama qildi

15:08 / 01.06.2025