Tramp AQSh harbiy budjetini 1 trln dollargacha oshirmoqchi
AQSh harbiy budjeti mamlakat tarixida birinchi marta bir trillion dollardan oshadi. Oq uy «Oltin gumbaz» raketaga qarshi mudofaa tizimini yaratish, kemalar qurish va yadroviy triadani mustahkamlashni rejalashtirmoqda.

Foto: REUTERS
AQSh ma’muriyati mudofaa xarajatlarini keskin oshirishni rejalashtirmoqda. Prezident Donald Tramp 1 oktyabrda boshlanadigan 2026-moliya yilida milliy xavfsizlik bilan bog‘liq mahsulotlarga 1,01 trillion dollar sarflashni taklif qilmoqda, bu joriy yilga nisbatan 13 foizga ko‘p, deb xabar berdi Bloomberg 2 may, juma kuni Oq uy Kongressga taqdim etish uchun tayyorlagan budjet loyihasi bilan tanish manbaga tayanib.
Agentlik manbasi ta’kidlaganidek, mudofaa xarajatlarining o‘sishini Ronald Reygan 1980 yillarda «yulduzlar urushi» dasturini ishga tushirgani va Yevropada yadroviy raketalarni joylashtirgani bilan solishtirish mumkin bo‘ladi. Pentagonning o‘z budjeti 961 milliard dollargacha oshadi. Bu joriy yilga nisbatan 112,7 milliard dollarga va sobiq prezident Jo Bayden ma’muriyati 2026 yil uchun mo‘ljallangan budjetdan 84,2 milliard dollarga ko‘pdir.
AQShning xavfsizlik xarajatlari mamlakat tarixida birinchi marta 1 trillion dollar chegarasidan oshib ketadi va bu Kongressni hayratda qoldirishi aniq, deya qayd etadi Bloomberg. Trampning budjet loyihasi «Oltin gumbaz» raketaga qarshi mudofaa tizimini yaratish, harbiy kemalar qurish, yadroviy triadani modernizatsiya qilish va harbiy maoshni 3,8 foizga oshirishni o‘z ichiga oladi.
Tramp mahalliy fuqarolik moliyasini 2025 yilgi budjetga nisbatan 22,6 foizga yoki 163 milliard dollarga qisqartirishni taklif qilmoqda. Qisqartirishlar qayta tiklanadigan energiyani rivojlantirish, atrof-muhitni muhofaza qilish va irqiy tengsizlikni bartaraf etishga qaratilgan dasturlarni o‘z ichiga oladi. AQShning tashqi yordam dasturlari, Milliy fan jamg‘armasi, Ta’lim departamenti va Uy-joy va shaharsozlik departamenti doirasidagi fan xarajatlarini tubdan qisqartirish va moliyalashtirishni to‘liq nolga tushirish kutilmoqda.
Tavsiya etamiz
Shveytsariyadagi qishloqqa ko‘chib kelgan sayyohlarga 24 ming dollardan pul to‘lanadi
Jahon | 01:36 / 09.06.2025
Toshkentda ilk BRT tizimi: u qanday ko‘rinishda bo‘ladi?
O‘zbekiston | 20:17 / 07.06.2025
Bir nechta tashkilotlar Enter Engineering kompaniyasini sudga berdi
O‘zbekiston | 17:39 / 07.06.2025
Xatolar ulg‘aytirgan jamoa. O‘zbekistonning mundial sari uzoq yo‘li haqida
Sport | 15:27 / 07.06.2025
So‘nggi yangiliklar
-
Karlovi Vari - Yevropaning asosiy sog‘lomlashtirish joyi
Jamiyat | 15:00 / 09.06.2025
-
O‘zbekistonda akademik litseylarga qabul boshlandi
O‘zbekiston | 09:31
-
VOLLKRAFT: UzAuto Trailer O‘zbekistonning yangi eksportbop brendini taqdim etdi
O‘zbekiston | 09:00
-
Toshkent viloyatida elektrdan noqonuniy foydalangan mayning ferma fosh etildi
Jamiyat | 08:59
Mavzuga oid

08:00
Tramp Los-Anjelesga dengiz piyoda askarlari va ko‘proq milliy gvardiyachilarni yubordi

20:46 / 09.06.2025
Tramp Los-Anjyelesdagi namoyishlarni bostirishga harakat qilmoqda – fotosuratlar

18:40 / 09.06.2025
Tramp agar Mask demokratlar tomoniga o‘tsa, uni jazolashga va’da berdi

15:20 / 09.06.2025