Elektromobillar uchun utilizatsiya yig‘imi 4 barobarga oshdi
Bugundan boshlab, ishlab chiqarilganiga 3 yildan oshmagan elektromobillar uchun 45 mln so‘m utilizatsiya yig‘imi undirilmoqda. Bu pullar qayerga ishlatilishi bo‘yicha mart oyi oxirigacha ishlab chiqilishi kerak bo‘lgan tartibdan hozircha darak yo‘q.

Foto: AP
O‘zbekistonda 1 maydan e’tiboran elektromobillar uchun utilizatsiya yig‘imi miqdorlari oshdi.
Bosh vazir 31 yanvarda imzolagan qarorga asosan, bu yig‘im miqdori:
- ishlab chiqarilganiga 3 yildan oshmagan elektromobillar uchun 4 barobarga – 30 BHM (11 mln 250 ming so‘m)dan 120 BHM (45 mln so‘m)ga;
- ishlab chiqarilganiga 3 yildan oshgan elektromobillar uchun 2,3 barobarga – 90 BHM (33 mln 750 ming so‘m)dan 210 BHM (78,75 mln so‘m)ga ko‘tarildi.
Avvalroq Kun.uz bu yangilik amaliyotda narxlarga qanday ta’sir qilishini Changan Deepal S07 misolida yoritgandi: bojxona qiymati 22 800 dollar bo‘lgan bu modelni olib kirish narxi 3600 dollardan 6200 dollargacha oshmoqda.
Ijtimoiy tarmoqlarda tarqalgan videoda BYD Song Plus Champion'ni bojxonadan olib o‘tish to‘lovlari qanday o‘zgarayotgani ko‘rsatilgan. Unga ko‘ra, 1 maydan e’tiboran bu avtomobil uchun bojxona yig‘imi – 937 ming so‘m, 12 foiz QQS – 37 mln 923 ming so‘m, utilizatsiya yig‘imi – 45 mln so‘m – jami bojxona xarajatlari 83 mln 860 ming so‘mni tashkil etadi.
Avvalroq kengaytirilgan diapazonli elektromobil (EREV) toifasiga kiruvchi (ikki xil dvigatelga ega, lekin faqat elektrda yuradigan) avtomobillar uchun alohida TIF TN kodi kiritilishi rejalashtirilayotgani ma’lum bo‘lgandi.
Bosh vazirning 31 yanvardagi qaroriga asosan, 2 oy muddatda utilizatsiya yig‘imlaridan samarali foydalanish tartibi ishlab chiqilishi belgilangan. Bu tartib ishlab chiqilgani haqida hozircha xabar berilmadi.
Tavsiya etamiz
O‘zbekiston Mobiuz kompaniyasini xalqaro sotuvga qo‘ydi
O‘zbekiston | 23:10 / 09.06.2025
Toshkentda ilk BRT tizimi: u qanday ko‘rinishda bo‘ladi?
O‘zbekiston | 20:17 / 07.06.2025
Bir nechta tashkilotlar Enter Engineering kompaniyasini sudga berdi
O‘zbekiston | 17:39 / 07.06.2025
Xatolar ulg‘aytirgan jamoa. O‘zbekistonning mundial sari uzoq yo‘li haqida
Sport | 15:27 / 07.06.2025
So‘nggi yangiliklar
-
Fransiya banki O‘zbekistonga yangi samolyotlar va poyezdlar xarid qilishda yordam berishi mumkin
O‘zbekiston | 11:51
-
Germaniya Ukrainaga TAURUS raketalarini yetkazib berish haqida «o‘ylamayapti»
Jahon | 11:33
-
Toshkent viloyatidagi «og‘ir» toifadagi mahallalarda quyosh fotoelektr stansiyalari quriladi
O‘zbekiston | 11:05
-
Islom inqilobi muhofizlari korpusi boshlig‘i Isroil zarbasi oqibatida halok bo‘lgan
Jahon | 10:42
Mavzuga oid

17:54 / 20.05.2025
Utilizatsiya yig‘imi: bizda 3500 dollar, boshqalarda-chi?

20:40 / 12.05.2025
O‘zbekistonga avtomobil importi 3 barobarga quladi

20:34 / 06.05.2025
Avtomobil importiga ekosertifikat – utilizatsiyaga qo‘shimcha “bonus”mi?

18:24 / 05.05.2025