Лондонда Россия жосуслик тармоғи раҳбари 10 йилга қамалди
У бошқарган гуруҳ журналистлар, дипломатлар ва украиналик ҳарбийларни кузатган, шунингдек, Кремлга қарши бўлган шахсларни ўғирлаш ёки ўлдириш режаларини муҳокама қилган.

Фото: Reuters
Буюк Британиядаги Россия жосуслик тармоғини бошқарган 47 ёшли болгариялик Орлин Русев Лондон суди томонидан 10 йил 8 ой муддатга озодликдан маҳрум қилинди, деб ёзмоқда Financial Times.
Прокурорларнинг айтишича, Русев Россия разведкасининг топшириғи билан Австрия фуқароси Ян Марсалек орқали 2020 йилдан 2023 йилгача Болгария фуқаролари гуруҳида Буюк Британия, Германия, Австрия, Испания ва Черногорияда операцияларни режалаштириб, амалга оширган.
Русевнинг гуруҳи журналистлар, дипломатлар ва украиналик ҳарбийларни кузатган, шунингдек, Кремлга қарши бўлган шахсларни ўғирлаш ёки ўлдириш режаларини муҳокама қилган. Аммо бу режалар амалга ошмаган. Лондон полициясининг терроризмга қарши кураш бўлими раҳбари Доминик Мёрфининг айтишича, гуруҳ «Россия манфаатлари учун саноат жосуслиги» билан ҳам шуғулланган.
Русев 44 ёшли Бисер Жамбазов ҳамда 33 ёшли Иван Стоянов билан бирга жосуслик билан шуғуллангани ва сохта ҳужжатлардан фойдаланганини тан олган. Уларнинг ёнидан Буюк Британия, Болгария, Франция, Италия, Испания, Хорватия, Словения, Греция ва Чехияга тегишли паспортлар топилган. Гуруҳнинг яна уч аъзоси — 33 ёшли Катрин Иванова, 30 ёшли Ваня Габерова ва 39 ёшли Тихомир Иванчев жосуслик мақсадида тил бириктиришда айбдор деб топилган. Иванова — 9 йил 8 ой, Габерова — 6 йил 8 ой, Иванчев эса 8 йилга қамалди. Стоянов 5 йилга озодликдан маҳрум қилинди. Фақатгина Марсалек терговдан яширинишга муваффақ бўлган.
Жосуслар кўп йиллар давомида Буюк Британияда яшаб, ишлаб келган. Русев 2009 йилда Буюк Британияга кўчиб келган ва уч йил давомида молиявий хизматлар соҳасида техник лавозимда ишлаган. Русевнинг LinkedIn профилида у коммуникацияни тутиб олиш билан боғлиқ бизнес эгаси экани кўрсатилган. У, шунингдек, Болгария Энергетика вазирлиги маслаҳатчиси бўлиб ишлаганини ҳам кўрсатган.
Тавсия этамиз
Кредит олишга тақиқ ва Freeze хизмати: уларнинг фарқи нима?
Жамият | 09:02 / 26.06.2025
Имтиҳон яқин: бу йил абитуриентларни нималар кутяпти? – энг муҳим саволларга расмийлардан жавоблар
Ўзбекистон | 12:11 / 25.06.2025
Эроннинг амалдаги сиёсий тизими. У қандай пайдо бўлганди?
Жаҳон | 19:30 / 24.06.2025
Урушга қўшилган АҚШ, «бутун Украина бизники» деган Путин – ҳафта дайжести
Жаҳон | 18:52 / 22.06.2025
Сўнгги янгиликлар
-
Туркия: ота-оналар дам оладиган, болалар эса бахтиёр бўладиган таътил
Жамият | 19:00 / 27.06.2025
-
Украина Волгограддаги ҳарбий аэродромга ҳужум қилди. Иккита Су-34 самолёти йўқ қилингани айтилмоқда
Жаҳон | 23:31 / 27.06.2025
-
Тошкент метросида ёш бола поезд йўлига тушиб кетгани рад этилди
Жамият | 23:04 / 27.06.2025
-
Тошкентда тирбандликларни прогноз қиладиган марказ иш бошлади, ака 3 ёшли укасини сотувга қўйди, Kun.uz журналисти «Олтин қалам» билан тақдирланди – маҳаллий дайжест
Ўзбекистон | 22:53 / 27.06.2025
Мавзуга оид

18:56 / 26.06.2025
Эронда Исроил фойдасига жосуслик қилишда гумонланиб, қарийб 700 киши ҳибсга олинди

18:21 / 25.06.2025
Эронда Исроил фойдасига жосуслик қилишда айбланган уч киши қатл этилди

10:14 / 20.06.2025
Евроиттифоқ Болгарияни евроҳудудга қабул қилишни тавсия этди

02:44 / 19.06.2025