Ҳиндистон ва Покистон АҚШ воситачилигида ўт очишни тўхтатишга келишди
АҚШ воситачилигида олиб борилган музокаралардан сўнг, Ҳиндистон ва Покистон тўлиқ ва дарҳол кучга кирувчи оташкесимга рози бўлди, дея эълон қилди Доналд Трамп. Унинг сўзларини расмий Деҳли ва Исломобод ҳам тасдиқлади.

Фото: Mukhtar Khan/AP
«Америка Қўшма Штатлари воситачилигида олиб борилган узоқ давом этган музокаралардан сўнг, Ҳиндистон ва Покистон тўлиқ ва дарҳол кучга кирувчи оташкесимга рози бўлганини мамнуният билан эълон қиламан», деб ёзди АҚШ президенти 10 май куни ижтимоий тармоқдаги саҳифасида.
Трамп иккала давлатни ҳам «соғлом фикр ва юксак ақл билан ҳаракат қилгани» учун табриклади.
Бу баёнотдан кейин Покистон бош вазири ўринбосари – ташқи ишлар вазири Исъҳоқ Дар ҳам дарҳол кучга кирувчи оташкесимни тасдиқлади.
«Покистон ва Ҳиндистон дарҳол кучга кирувчи оташкесимга рози бўлди. Покистон ҳар доим минтақада тинчлик ва хавфсизлик учун интилиб келган, бу йўлда ўз суверенитети ва ҳудудий яхлитлиги борасида ҳеч қачон муроса қилмаган!» деб ёзган Дар.
Ҳиндистон ташқи ишлар вазири Субраҳманям Жаишанкар ҳам оташкесимни тасдиқлади.
«Бугун Ҳиндистон ва Покистон ўқ узиш ва ҳарбий ҳаракатларни тўхтатиш бўйича ўзаро келишувга эришди. Ҳиндистон доимо терроризмнинг барча шакл ва кўринишларига нисбатан қатъий ва муросасиз позицияни сақлаб келган. Бу йўлдан бундан кейин ҳам чекинмайди», деб ёзган Ҳиндистон бош дипломати.
Эслатиб ўтамиз, 6 май куни кечқурун Ҳиндистон «Синдур» ҳарбий операцияси ўтказилишини эълон қилди, унинг доирасида мамлакат қуролли кучлари Покистондаги «террорчилик инфратузилмалари»га, шунингдек, Ҳиндистон, Покистон ва Хитой ўртасида бўлиб олинган баҳсли ҳудуд – Кашмирнинг Покистон ҳудудидаги қисмига ракета зарбалари йўллади. Бунга аввалроқ Кашмирда рўй берган теракт сабаб қилиб кўрсатилди.
Ҳиндистон ҳужумига жавобан Покистон ҳарбий-ҳаво кучлари ва армияси Ҳиндистон ҳудудига «ҳам ҳаводан, ҳам ердан» зарбалар берди.
Сўнги кунларда вазият янада кескинлашган, хусусан, кеча тунда Покистон томони «Баньян-ул-Марсус» («Мустаҳкам девор») деб номланган кенг кўламли ҳарбий операция бошлаганини билдирганди.
Тавсия этамиз
Уруш тугади, раҳбар бункердан чиқди – ҳафта дайжести
Жаҳон | 18:43 / 29.06.2025
Ошадиган нафақалар, жорий этилаётган эскроу тизими ва соғлиқни сақлаш соҳасида янги модел – 1 июлдан нималар ўзгаради?
Ўзбекистон | 11:14 / 28.06.2025
Кредит олишга тақиқ ва Freeze хизмати: уларнинг фарқи нима?
Жамият | 09:02 / 26.06.2025
Имтиҳон яқин: бу йил абитуриентларни нималар кутяпти? – энг муҳим саволларга расмийлардан жавоблар
Ўзбекистон | 12:11 / 25.06.2025
Сўнгги янгиликлар
-
Apple бошга тақиладиган еттита қурилмани тайёрламоқда
Фан-техника | 15:06
-
Гурбангули Бердимуҳамедов таэквондо бўйича «9-дан» фахрий унвонини олди
Жаҳон | 15:02
-
Ўқишга кира олмаган мактаб битирувчиларини банд этиш бўйича дастур қабул қилинди
Жамият | 15:01
-
Вадефул: Россиянинг Германия учун хавфини эътибордан четда қолдирмаслик керак
Жаҳон | 14:57
Мавзуга оид

12:30
G7 АҚШ бизнесини глобал солиқдан озод қилишга рози бўлди

09:01
Ҳиндистонда ўн миллионлаб одам уран билан ифлосланган сувни ичмоқда — олимлар

08:20
Эрдўған: Туркия терроризмга қарши курашда Покистон билан бирдам

07:40