Вэнс: Россия музокараларда жуда кўп нарса сўрамоқда
АҚШ вице-президенти Жей Ди Вэнс Украинанинг ҳозиргача эгаллаб олинмаган ҳудудлари Россияга берилмаслигини айтди.

АҚШ вице-президенти Жей Ди Вэнс Россиянинг Украинадаги урушни ҳал қилиш бўйича музокаралар чоғида қўйган талабларини «жуда катта» талаблар деб атади.
«Биз Россия жуда кўп нарса сўрашини билардик, чунки Россиянинг уруш ҳақидаги тасаввури уларнинг қўли баланд келаётганига асосланган. <…> Аммо Россия ҳали ҳатто босиб ололмаган ҳудудларини унга беришларига умид қилмаслиги керак. Бу эса уларнинг дастлабки тинчлик режасига киритилган бандлардан биридир», – деган Вэнс 8 май куни Fox News телеканалига берган интервюсида.
АҚШ вице-президенти Вашингтондагилар Россия ўзининг биринчи таклифида «мумкин бўлганидан кўп нарса» сўрашини тахмин қилгани, чунки «музокаралар кўпинча шундай ўтиши»ни айтиб ўтган.
Вэнс Россия ва Украина музокараларда қатнашиб, «аниқ тинчлик режалари»ни таклиф қилаётганини ўсиш деб атади. Шу билан бирга, у агар АҚШ «руслар музокараларда чин дилдан қатнашмаяпти» деб топса, музокаралардан чиқишини яна бир бор таъкидлади.
«Агар шундай бўлса, ҳа, биз кетамиз. Президент бу ишдан чиқиб кетаётганимизни айтади. Бу эса, менимча, Россия ҳам, Украина ҳам АҚШнинг маслаҳати ва воситачилигисиз ёлғиз қолишини англатади», – деган у.
Жей Ди Вэнс Россия-Украина урушини ҳал қилишда «баъзи дипломатик ютуқлар бор» деб ҳисоблашини қўшимча қилган. «Биз барқарор тинчликка эришиш учун бу томонларни яна бироз яқинлаштиришга ҳаракат қилишимиз керак. Биз ҳали бунга эришганимиз йўқ. Биз энди тараққиётга эриша олмаймиз, деган қарорга келмагунимизча, бу борада ишлашда давом этамиз», – деди Вэнс.
АҚШ вице-президенти Жей Ди Вэнс 1 май куни АҚШ кейинги 100 кун ичида Россия ва Украина ўртасида музокаралар ўтказишга ҳаракат қилишини айтди. Вэнс 7 май куни Мюнхен хавфсизлик конференцияси томонидан ташкил этилган форумда сўзлаган нутқида АҚШ 30 кунлик сулҳ ғоясидан воз кечиб, узоқ муддатли келишув масалаларига эътибор қаратишга ҳаракат қилаётганини айтди.
Тавсия этамиз
Кредит олишга тақиқ ва Freeze хизмати: уларнинг фарқи нима?
Жамият | 09:02 / 26.06.2025
Имтиҳон яқин: бу йил абитуриентларни нималар кутяпти? – энг муҳим саволларга расмийлардан жавоблар
Ўзбекистон | 12:11 / 25.06.2025
Эроннинг амалдаги сиёсий тизими. У қандай пайдо бўлганди?
Жаҳон | 19:30 / 24.06.2025
Урушга қўшилган АҚШ, «бутун Украина бизники» деган Путин – ҳафта дайжести
Жаҳон | 18:52 / 22.06.2025
Сўнгги янгиликлар
-
Fitch Ўзбекистон суверен рейтингини «BB-»дан «BB»га ўзгартирди
Ўзбекистон | 15:47
-
Японияда «твиттер-киллер» қатл этилди
Жаҳон | 15:42
-
Эроннинг Исроилга берган зарбаларидан кўрилган зарар 3 млрд долларни ташкил қилди
Жаҳон | 15:26
-
Тошкент вилоятининг хорижий инвестициялари бўлган корхоналарига имтиёзлар берилади
Ўзбекистон | 15:22
Мавзуга оид

15:05
Оқ уй Украинадаги лойиҳаларни молиялаштиришни тўхтатиши мумкин

14:49
БМТ: Дронлар Украинадаги урушда тинч аҳолини тобора кўпроқ нишонга олмоқда

14:23
Z-каналлар Бундесвер юк машиналари ёнаётгани акс этган видеони эълон қилди

08:09