Қўшимча функционаллар
-
Тунги кўриниш
CNN: Путин Украинада «қисқа муддатли мақсадлар»га эътибор қаратишни бошлади
Владимир Путин қўлга киритилган Украина ҳудудлари устидан назоратни сақлаб қолишга эътибор қаратмоқда, деб ёзади CNN Ғарб разведка агентликларига таяниб. АҚШда Путиннинг позициясига шубҳа билан қараляпти.
Фото: AP
Украинага қарши урушда Россия президенти Владимир Путин ўз эътиборини кўпроқ қисқа муддатли мақсадларга қаратаётган бўлиши мумкин – босиб олинган Украина ҳудудлари устидан назоратни кучайтириш ва ҳарбий саноатга улкан сармоя киритилиши туфайли «қийин аҳволда» қолган Россия иқтисодиётини рағбатлантириш. Бу ҳақда 2 май, жума куни Американинг CNN телеканали Ғарб разведкаси ва вазият билан таниш бўлган бир неча манбалар маълумотларига таяниб хабар берди.
«Бу АҚШ ва Ғарб разведка хизматларининг сўнгги баҳоларидаги эволюциядан далолат берадики, Путин уруш ҳолати унинг фойдасига ва заифлашган Украинага қарши узоқроқ кураш олиб бориш, бутун мамлакатни эгаллаш учун куч ва ресурсларга эга эканлигига ишонади», — дейилади телеканал баёнотида.
CNN телеканалининг икки манбасига кўра, Путиннинг фикрлашидаги эҳтимолий ўзгаришларни кўрсатувчи сўнгги маълумотлар АҚШ президенти Доналд Трамп ва унинг жамоасининг Россия президенти Украина билан тинчлик келишувини кўриб чиқишга очиқ бўлиши мумкинлигига ишончи комил экани ҳам таъсир қилган.
Россия-Украина уруши
