Қамчиқ довонидаги йўлда қолиб кетган ҳайдовчиларга ёрдам кўрсатилмоқда

Довонда автомобилларнинг икки томонлама ҳаракати давом этмоқда.

Фото: ФВВ

Бугун, 13 ноябр куни Қамчиқ довонининг юқори нуқталарида қор ёғишда давом этмоқда.

ФВВ, ЙПХ ва «Қамчиқавтойўл» ИЙФУК ходимлари ҳамкорлигида йўлни қордан тозалаш, музламалар ҳосил бўлишининг олдини олиш ва қум-туз аралашмасини сепиш ишлари олиб борилмоқда.

Шунингдек, ФВВ қутқарувчилари томонидан назорат тадбирлари олиб борилиб, йўлда қолиб кетган ҳайдовчи ва уларнинг автотранспорт воситаларига ёрдам кўрсатилмоқда.

Довонда автомобилларнинг икки томонлама ҳаракати давом этмоқда.

Фавқулодда вазиятлар вазирлиги йўл-транспорт ҳодисалари билан боғлиқ фавқулодда вазиятларнинг олдини олиш мақсадида, довон ҳудудида ҳаракатланишда ҳайдовчилардан барча хавфсизлик чораларини кўришларини сўраган.

#довон #Қамчиқ