Эрон Исроилга қарата янги турдаги баллистик ракетани учирди

«Сижжил» Эроннинг икки босқичли қаттиқ ёқилғида 2000 км масофага учадиган баллистик ракетаси ҳисобланади.

Эрон илк бор Исроилга қарата 2000 км масофали «Сижжил» баллистик ракетасини учирди. Бу ҳақда Ислом инқилоби қўриқчилари корпуси (ИИҚК) баёнот берди.

Tasnim нашри ракетанинг учирилиши акс этган видеони эълон қилди. Бу эҳтимол, «Сижжил» ракетасининг биринчи жанговар ишлатилиши; олдинги барча учиришлар синов ва машғулот бўлган.

«Сижжил» - Эроннинг икки босқичли қаттиқ ёқилғида учадиган ўрта масофага (тахминан 2000 км) мўлжалланган баллистик ракетаси, атмосферага кириш тезлиги 12-14 Мах. Мутахассислар уни бошқа нарсалар қатори ядро қуролини ташувчи восита деб ҳисоблайди.

«Сижжил» ракетасининг Исроилга қанчалик талафот етказгани маълум эмас. Исроил армияси бугун учирилган ракеталарнинг барчаси уриб туширилганини эълон қилган.

#Эрон #Исроил #Сижжил

2025 йил 13 июнга ўтар кечаси Исроил Эроннинг ҳарбий ва ядровий объектларига зарбалар беришни бошлади. Бунга жавобан Теҳрон Исроил устидан бомбалар ёғдирди. 12 кун давом этган уруш, АҚШнинг Эрон ядро объектларига ҳужум қилиши билан якунланди.