Андижонда сойдан ёш қизча жасади топилди. У қўшни республикадан оқиб келган
Жалақудуқ ва Хўжаобод туманлари ҳудудида фарзандини йўқотган оила аниқланмаган. Жасад Қирғизистондан оқиб келгани маълум бўлган.

Фото: Видеодан кадр
Андижон вилояти Жалақудуқ ва Хўжаобод туманлари бўйлаб оққан селдан сўнг бир қизнинг танаси жонсиз ҳолда топилган. Бу ҳақда Андижон вилояти ҳокимлиги ахборот хизмати хабар бермоқда.
Қизнинг ёши 5-6 ларда экани тахмин қилинган.
Аввалига вилоят ҳокимлиги Жалақудуқ ва Хўжаобод туманлари ҳудудидаги тезкор ўрганишлар давомида ушбу ҳудудларда бу ёшдаги фарзандини йўқотган оила аниқланмаганини маълум қилди.
«Бундан келиб чиқиб, ушбу шахс вилоятимиздан ташқари бўлган, тошқин рўй берган бошқа ҳудуддан оқиб келгани тахмин қилинмоқда. Вазият бўйича қўшимча ахборотлар маълум қилинади», дейилади хабарда.
Ҳокимлик матбуот хизматининг кейинги хабарида сойдан топилган жасад қўшни Қирғизистондан оқиб келгани айтилади.
«Хўжаобод туманидаги Шаҳрихонсойдан топилган тахминан 5-6 ёшли қизалоқ Ўш шаҳридаги оиладан экани тасдиқланмоқда. Юборилган фотосурат орқали Ўшдаги оила вакили бу қизалоқ унинг ўз оиласидан эканини тасдиқлаган.
Ҳозирда оила вакили Хўжаобод тумани сари йўлга чиққанини билдирган. Вилоят ҳокимлиги ва тегишли органлар томонидан мазкур оилани қўллаб-қувватлаш ҳаракатлари ташкил этилди», дейилади хабарда.
Маълумот учун, 2024 йил 14 июл куни Қирғизистоннинг Ўш вилоятида тоғ ва адирликларида кузатилган жала ёмғирлар ёғиши оқибатида Андижон вилоятида кучли сел оқди.
Оқбўра сойида оққан кучли сел оқибатида Хўжаобод тумани Ёрқишлоқ қишлоғида битта кўприкни сув оқизиб кетган. Яна битта пиёдалар кўприги қулаб вайрон бўлган.
Бу вақтда Қирғизистондаги ижтимоий тармоқларда Ўшдаги қишлоқлардан бирида яшовчи 1980 йилда туғилган аёл 2005, 2014 ва 2018 йилда туғилган қизалоқлари билан оқиб кетгани ҳақида хабар тарқалган.
Тавсия этамиз
Ғарб Исроил Эронга зарба беришидан хавотирда. Бу ҳақда нималар маълум ва оқибатлар қандай бўлиши мумкин?
Жаҳон | 21:01 / 12.06.2025
Қизалоққа қарши армия: Грета Тунберг Ғазога етиб боролмади
Жаҳон | 17:45 / 11.06.2025
Сўм 2 ҳафтада 2 фоизга мустаҳкамланди. Қандай қилиб?
Иқтисодиёт | 18:57 / 10.06.2025
Июнда об-ҳаво нисбатан салқин бўлиши кутилмоқда
Ўзбекистон | 16:47 / 10.06.2025
Сўнгги янгиликлар
-
Air Arabia Ўзбекистонга ва яна тўққизта давлатга парвозларни тўхтатди
Жаҳон | 00:25
-
Эрон Исроилга баллистик ракеталарни учирди
Жаҳон | 23:46 / 13.06.2025
-
Ўзбекистон Ғазода урушни тўхтатиш ҳақидаги БМТ резолюциясига қўшилди
Жаҳон | 23:21 / 13.06.2025
-
Эрондаги масжид узра қизил «қасос байроғи» кўтарилди
Жаҳон | 23:12 / 13.06.2025
Мавзуга оид

20:33 / 12.06.2025
Зоминнинг бир қатор ҳудудларига сел келди

19:41 / 10.06.2025
Зоминда сел туфайли автомобил йўли ёпилиб қолди

11:02 / 09.06.2025
Ўзбекистоннинг 8 та вилоятида сел хавфи эълон қилинди

19:45 / 07.06.2025