FlyArystan Atirau va Toshkent o‘rtasida aviaqatnovni yo‘lga qo‘yadi

15 iyuldan boshlab ushbu yangi yo‘nalish G‘arbiy Qozog‘istonni O‘zbekiston poytaxti bilan bog‘laydi.

Foto: FlyArystan official telegram account

Qozog‘istonning FlyArystan loukoster aviakompaniyasi yangi xalqaro yo‘nalish: Atirau – Toshkent – Atirau bo‘yicha chiptalar sotuvi boshlanganini e’lon qildi.

2025 yil 15 iyuldan boshlab ushbu yangi yo‘nalish G‘arbiy Qozog‘istonni O‘zbekiston poytaxti bilan bog‘laydi. Parvozlar iyul va avgust oylarida haftasiga uch marta - seshanba, payshanba va yakshanba kunlari amalga oshiriladi. Sentabr va oktabr oylarida parvozlar dushanba, chorshanba va juma kunlari amalga oshiriladi.

Chiptalar narxi bir tomonga 67 AQSh dollaridan boshlanadi, bunga bortda tasodifiy o‘rindiq va og‘irligi 5 kg gacha bo‘lgan bitta qo‘l yuki kiradi.

FlyArystan 2023 yil iyulidan boshlab Ostona va Toshkent o‘rtasida dushanba, chorshanba va shanba kunlari to‘g‘ridan-to‘g‘ri reyslarni amalga oshirib kelmoqda.

#Qozog‘iston #aviaqatnov #FlyArystan