Aziz Mag‘rupov Prezident yordamchisi lavozimidan ozod etildi

Prezident yordamchisi lavozimida ishlab kelgan Aziz Mag‘rupov prezidentning tashqi investitsiyalar masalalari bo‘yicha maslahatchisi lavozimiga tayinlandi.

Aziz Mag‘rupov

Aziz Mag‘rupov O‘zbekiston prezidentining tashqi investitsiyalar masalalari bo‘yicha maslahatchisi lavozimiga tayinlandi va shu munosabat bilan prezidentning yordamchisi lavozimidan ozod etildi. Bu haqda prezident matbuot kotibi Sherzod Asadov ma’lum qildi.

Aziz Mag‘rupov faoliyati davomida tashqi ishlar vazirining savdo-iqtisodiy masalalar bo‘yicha maslahatchisi, O‘zbekistonning Rossiyadagi elchixonasida savdo-iqtisodiy masalalar bo‘yicha masalatchi lavozimlarida ham faoliyat yuritgan.

Shuningdek, Bekzod Mavlonov prezidentning yordamchisi lavozimiga tayinlandi va shu munosabat bilan O‘zbekiston prezidentining huquqiy ekspertiza va kompleks tahlil qilish masalalari bo‘yicha maslahatchisi lavozimidan ozod etildi.

Bekzod Mavlonov o‘z faoliyati davomida huquq-tartibot organlarida xizmat qilgan. U O‘zbekiston bosh prokurori o‘rinbosari sifatida ham ishlagan.

#Prezident administratsiyasi #Aziz Mag‘rupov