BMT: Afrikada har 6 soniyada ochlikdan bir bola vafot etmoqda
BMT hisobotiga ko‘ra, G‘arbiy va Markaziy Afrikada 36 milliondan ortiq kishi oziq-ovqat tanqisligini boshdan kechiryapti.

Foto: WFP
Ijtimoiy tengsizlik va qashshoqlik hali ham dolzarb global muammolar bo‘lib qolmoqda. BMTning Rossiyadagi Axborot markazi direktori Vladimir Kuznetsovning so‘zlariga ko‘ra, Afrika mamlakatlarida har olti soniyada ochlikdan bir bola vafot etmoqda.
«Qashshoqlik, oziq-ovqat xavfsizligi. Afrikada hanuz har olti soniyada ochlikdan bir bola vafot etadi — bu dahshat», — deydi Kuznetsov.
U, shuningdek, sun’iy intellekt rivojlanayotgan bir paytda Yer aholisining 50 foizi internetga kira olmasligiga e’tibor qaratdi.
9 may kuni Birlashgan Millatlar Tashkiloti e’lon qilgan hisobotda qayd etilishicha, G‘arbiy va Markaziy Afrikada 36 milliondan ortiq kishi oziq-ovqat tanqisligini boshdan kechirmoqda. Hosil yaxshi bo‘lmagan yilda 52 milliondan ortiq odam ochlik xavfi ostida qolishi mumkin.
2024 yil oktyabr oyi ma’lumotlariga ko‘ra, dunyoda 733 million kishi ochlikdan aziyat chekmoqda, ularning aksariyati Afrika mintaqasida yashaydi. Dunyoning 36 ta davlatida to‘yib ovqatlanmaslik bilan bog‘liq holat «jiddiy», oltitasida esa «o‘ta jiddiy» deya ta’riflangan. Oziq-ovqat mahsulotlarini ishlab chiqarish va yetkazib berishga qurolli mojarolar, xususan, Sudandagi fuqarolik urushi, global iqlim o‘zgarishining salbiy oqibatlari ta’sir ko‘rsatyapti.
Tavsiya etamiz
Nima uchun Koreyani tanlash yoki tanlamaslik kerak? | SUBYEKTIV
Jamiyat | 19:02 / 30.06.2025
Urush tugadi, endi Isroil va Eron nima qiladi?
Jahon | 12:02 / 30.06.2025
Ko‘chmas mulk savdosini naqdsiz shaklga o‘tkazish rejalashtirilyapti
Iqtisodiyot | 11:26 / 30.06.2025
Hindistonda o‘n millionlab odam uran bilan ifloslangan suvni ichmoqda - olimlar
Jahon | 09:01 / 30.06.2025
So‘nggi yangiliklar
Mavzuga oid

08:27 / 02.07.2025
BMT: 17 iyundan beri kamida 580 falastinlik yordam olishga uringan paytda o‘ldirildi

10:57 / 28.06.2025
Estoniya va Litva BMTni Ottava konvensiyasidan chiqishi haqida xabardor qildi

07:42 / 28.06.2025
BMT Keniyadagi norozilik namoyishlarida fuqarolar halok bo‘lganidan xavotirda

14:49 / 27.06.2025