Hafta oxirida qanday ob-havo kutilmoqda?

Payshanba kuni O‘zbekiston hududiga nisbatan salqin va biroz nam havo massalari kirib kelishi boshlanadi, deya xabar bermoqda O‘zgidromet.

8 may kuni Qoraqalpog‘iston Respublikasida ba’zi joylarda, kunning ikkinchi yarmida esa markaziy viloyatlarda va Farg‘ona vodiysida ayrim joylarda qisqa muddatli yomg‘ir yog‘ishi, momaqaldiroq kuzatilishi mumkin.

Kunduzgi havo harorati chorshanba kuniga nisbatan 3–4 darajaga past – +32…+35 daraja, shimolda +25…+28 daraja atrofida bo‘ladi.

9 may kuni harorat pasayishi davom etadi, kunduz kunlari harorat +27…+30 daraja, janubda va cho‘l hududlarda +32…+35 daraja atrofida bo‘ladi. Kechasi va ertalab markaziy viloyatlarda, kunning ikkinchi yarmida Farg‘ona vodiysida ba’zi joylarda qisqa muddatli yomg‘ir yog‘adi, momaqaldiroq kuzatiladi. Respublikaning qolgan hududlarida yog‘ingarchilik kutilmaydi, ayrim tog‘li hududlarda kuchli yomg‘ir yog‘ishi mumkin.

10–11 may kunlari respublikada yog‘ingarchilik kutilmaydi. Harorat asosan +30…+35 daraja bo‘ladi. Respublika bo‘yicha ba’zi joylarda shamol tezligi 13–18 metr/sekundgacha kuchayadi, ayrim joylarda chang-to‘zonlar bilan kuzatiladi.

Tog‘oldi va tog‘li hududlarda 8–11 may kunlari vaqti-vaqti bilan yomg‘ir yog‘adi, momaqaldiroq bo‘lishi, respublikaning tog‘oldi va tog‘li hududlarida sel-suv toshqin hodisalari yuzaga kelishi mumkin.

Toshkent shahrida 8 may kuni kunduzi yog‘ingarchilik kutilmaydi. Harorat +31…+33 daraja bo‘ladi. Kechga tomon, shuningdek, 9 mayda kechasi va ertalab biroz qisqa muddatli yomg‘ir yog‘ishi, momaqaldiroq kuzatilishi mumkin. 10–11 may kunlari yog‘ingarchilik kutilmaydi. Harorat 9 may kuni +28…+30 daraja, 10–11 may kunlari +31…+33 daraja bo‘ladi.