Qoʻshimcha funksionallar
-
Tungi ko‘rinish
Buyuk Britaniya Putin ustidan tribunalni qo‘llab-quvvatladi
Buyuk Britaniya Vladimir Putin ustidan xalqaro tribunal tashkil etish tashabbusini qo‘llab-quvvatlash niyatida. Bu tashabbus Nyurnberg sud jarayoni namunasiga asoslangan bo‘lib, AQSh prezidenti Donald Tramp qarshiligiga qaramasdan amalga oshirilishi ko‘zda tutilgan.

Foto: landmarkscout.com
Bu haqda The Telegraph nashri o‘z manbalariga tayangan holda xabar berdi.
Nashr ma’lumotlariga ko‘ra, London allaqachon may oyida Yevropa Kengashida Rossiyaning Ukrainaga qarshi tajovuzi uchun harbiy-siyosiy rahbariyatini javobgarlikka tortishni nazarda tutuvchi rezolyutsiyani qo‘llab-quvvatlashini ma’lum qilmoqchi. Tashabbus Ikkinchi jahon urushidan so‘ng nemis natsist jinoyatchilarni sud qilgan Nyurnberg tribunaliga o‘xshash maxsus xalqaro sud tashkil etilishini nazarda tutadi.
Britaniyaning ushbu qo‘llab-quvvatlovi London universitet kollejidagi Xalqaro sudlar va tribunallar markazi direktori Filipp Sends tomonidan olib borilgan faol lobbistlik natijasidir. The Telegraphʼning yozishicha, u noyabr oyida AQShda bo‘lib o‘tgan prezidentlik saylovlaridan so‘ng Buyuk Britaniyaning bosh prokurori Richard Hermer bilan uchrashib, shunday sud yaratish istiqbollarini muhokama qilgan.
Ushbu tashabbusni Leyboristlar partiyasidan bo‘lgan sobiq bosh vazir Gordon Braun va Konservativlar partiyasidagi qator sobiq vazirlar ham qo‘llab-quvvatlagan.
«Ukraina doimo Rossiyaning noqonuniy urushni boshlash qarori uchun javobgarlik masalasini ko‘tarib kelmoqda va Buyuk Britaniya bu chaqiriqni doimiy ravishda qo‘llab-quvvatlab keladi. Jahon hamjamiyati agressiya akti uchun jazo ta’minlanishini istayapti. AQShning pozitsiyasi esa uning ichki ishidir», — deya keltirmoqda nashr Britaniya hukumatidagi manbalari so‘zlarini.
Amaldagi Buyuk Britaniya bosh vaziri Kir Starmerning do‘sti Filipp Sends agressiya jinoyatlari uchun alohida sud tashkil etish g‘oyasini ilk ilgari surganlardan biri. BMT ta’rifiga ko‘ra, agressiya — bir davlatning boshqa davlat hududiga qurolli hujumi, shu jumladan, bosqin yoki harbiy okkupatsiya kabi harakatlardir. G‘arbning qator davlatlari, jumladan Britaniya, Rossiya rahbariyatini aynan urushni boshlash siyosiy qarori uchun sud qilish kerak, deb hisoblaydi. Ular faqat harbiy jinoyatlarni tergov qilish bilan cheklanib qolishni istamaydi.
Haagadagi Xalqaro jinoyat sudi (XJS) Ukraina kontekstidagi agressiya jinoyatlarini ko‘rib chiqish vakolatiga ega emas. Bu haqda avvalroq Ukraina sobiq tashqi ishlar vaziri Dmitro Kuleba bayonot bergan. Bundan tashqari, The Telegraphʼning ta’kidlashicha, XJSni Rossiya ham, Amerika Qo‘shma Shtatlari ham rasman tan olmagan.
Agressiya jinoyati bo‘yicha alohida sud yaratish g‘oyasi ilk bor 2022 yili Buyuk Britaniya tomonidan ko‘tarilgan. O‘shanda Ukraina rahbariyati va Jo Bayden ma’muriyati bu tashabbusni qo‘llab-quvvatlab, moliyaviy yordam ajratgan va amerikalik prokurorlarni tashkilotchilik ishlariga jalb etgan edi.
Biroq Donald Tramp Oq uyga qaytgandan so‘ng AQSh bu tashabbusda ishtirokini to‘xtatdi. Mart oyida Vashington Agressiya jinoyatlarini tergov qilish xalqaro markazi (ICPA)dan chiqishini e’lon qildi. Ushbu markaz tribunal tashkil etish ishlarini muvofiqlashtirib kelayotgan edi.
Tavsiya etamiz
Odamlar eng tez va sekin qariydigan mamlakatlar aniqlandi
Jahon | 21:57 / 17.07.2025
Jinoyat olamida bunaqasi kam uchraydi: yashirin ustaxona va g‘oyib bo‘lgan 276 ta mashina
Jamiyat | 13:40 / 16.07.2025
20 iyuldan boshlab 1-2 kunga xorijga chiqqanlar O‘zbekistonga bojsiz tovar olib kirolmaydi
Iqtisodiyot | 19:31 / 15.07.2025
Bolalarni itdek vovullatgan «defektolog»ga yangi jinoiy ish ochildi
Jamiyat | 18:06 / 15.07.2025
So‘nggi yangiliklar
-
Saudiya Arabistoni xorijliklarga ko‘chmas mulk sotib olish shartlarini yengillashtiradi
Jahon | 20:51
-
Turkiy birlik darvozasi – Zangezur koridori atrofida nimalar bo‘lmoqda?
Jahon | 20:28
-
Air China O‘zbekistonga birinchi parvozni amalga oshirdi
O‘zbekiston | 20:19
-
Google telefondagi zilzila haqida ogohlantirish tizimi qanday ishlashini tushuntirdi
Fan-texnika | 19:20
Mavzuga oid

12:55 / 18.07.2025
Putin Rossiyada xorijiy dasturiy ta’minotni qisqartirish yo‘lini topishni buyurdi

08:41 / 18.07.2025
XJSdan Siluanov va Nabiullinani hibsga olish uchun order berish so‘raldi

11:05 / 16.07.2025
Putin sanksiyalarga qaramay urushni davom ettirmoqchi

15:27 / 15.07.2025