Janubiy Koreyada bo‘lib turgan O‘zbekiston fuqarolari ogohlikka chaqirildi
Elchixona o‘zbekistonliklarni turli namoyish va ommaviy yig‘inlarda ishtirok etmaslikka, odamlar gavjum joylarga bormaslikka chaqirdi.

Foto: AFP
O‘zbekistonning Janubiy Koreyadagi elchixonasi mamlakatda bo‘lib turgan vatandoshlarga murojaat bilan chiqdi.
Shu kunlarda Janubiy Koreyada yirik namoyish va mitinglar bo‘lib o‘tmoqda. Shu bois O‘zbekistonning ushbu mamlakatdagi diplomatik vakolatxonasi Koreya Respublikasi hududida bo‘lib turgan vatandoshlarni ogohlikka chaqirdi.
«Turli namoyish va ommaviy yig‘inlarda ishtirok etmaslikka, odamlar gavjum joylarga bormaslikka, bo‘lib turgan mamlakat qonun-qoidalarini hurmat qilishga va mahalliy hokimiyat organlarining ko‘rsatmalariga amal qilishga chaqirib qolamiz», — deyiladi murojaatda.
Zarurat tug‘ilsa, O‘zbekiston fuqarolari quyidagi telefon raqamlariga murojaat qilishlari mumkin:
- +82 10 3213 4505
- +82 10 2909 4334
- +82 2 574 6554
Janubiy Koreyadagi vaziyat
Koreya Konstitutsiyaviy sudi 4 aprel kuni prezident Yun Sok Yol impichmenti ishi bo‘yicha qaror chiqaradi. Sud majlisi ochiq o‘tkaziladi, u televideniye orqali to‘g‘ridan-to‘g‘ri translatsiya qilinadi. Ta’kidlanishicha, Yun Sok Yol lavozimda qolish-qolmasligi aynan ushbu sudda hal bo‘ladi.
Yun Sok Yol o‘tgan yilning 3 dekabr kuni mamlakatda harbiy holat joriy etgandi. 15 yanvar kuni isyonda ayblangan Yun qo‘riqchilarning qarshilik ko‘rsatishga urinishlariga qaramay, o‘z qarorgohida hibsga olindi. Prezident hibsga olinganidan keyin Seulda tartibsizliklar boshlandi.
7 mart kuni Seul markaziy okrug sudi himoyachining Yun Sok Yol haqidagi iltimosnomasini qanoatlantirdi va ilgari chiqarilgan hibsga olish orderini bekor qildi. Bir kundan keyin 64 yoshli siyosatchi hibsdan ozod etildi. Biroq, u tergov ostida qolmoqda.
Tavsiya etamiz
Urushga qo‘shilgan AQSh, «butun Ukraina bizniki» degan Putin – hafta dayjesti
Jahon | 18:52 / 22.06.2025
Yoz jaziramasi davom etadi: 10 kunlik ob-havo prognozi
O‘zbekiston | 17:56 / 20.06.2025
“Badavlat ayol” loyihasida kim badavlat bo‘lyapti?
Jamiyat | 21:46 / 19.06.2025
Tarvuz tarkibidagi nitratlar: hozirgi tarvuzlarni yesa bo‘ladimi?
Jamiyat | 17:57 / 19.06.2025
So‘nggi yangiliklar
-
Xitoy O‘zbekistonda "aqlli" logistika omborlarini quradi
Iqtisodiyot | 16:04
-
Putin Eronga berilgan zarbalarni «oqlab bo‘lmaydigan» deb atadi
Jahon | 15:59
-
Ikkilamchi avtomobil bozori: Chevrolet va Kia avtomobillari arzonlashdi, BYD modellari qimmatlashdi
Iqtisodiyot | 15:52
-
🔴 LIVE: Eron Rossiyaga yuzlandi. Putin yordam beradimi?
Jahon | 15:45
Mavzuga oid

20:10 / 11.06.2025
Janubiy Koreya KXDR bilan chegarada tashviqot radiosini o‘chirdi

13:09 / 04.06.2025
Shavkat Mirziyoyev Janubiy Koreyaning yangi prezidenti Li Chje Myonni tabrikladi

00:03 / 04.06.2025
Janubiy Koreyaning yangi prezidenti saylandi

20:41 / 03.06.2025