Meksikada «Yevropaning kokain qiroli» otib ketildi
Narkosavdogar Mark Ebben 2017 yilgacha Sinaloa karteli a’zosi bo‘lgan. Uning jasadi yonidan AQSh Giyohvand moddalarga qarshi kurashish boshqarmasi xodimining soxta guvohnomasi topilgan.

Foto: Ijtimoiy tarmoqlar
Meksikada 13 fevral kuni dunyoda eng ko‘p qidirilayotgan narkosavdogarlardan biri — «Yevropaning kokain qiroli» nomi bilan tanilgan Mark Ebben otib ketilgani ma’lum bo‘ldi, deb yozadi Bild.
Ebben uzoq yillar davomida Meksikaning Sinaloa karteli bilan hamkorlik qilib kelgan, uning o‘limiga kartel ichidagi kelishmovchilar sabab bo‘lgan bo‘lishi mumkin.
2017 yilda kartel yetakchisi Xoakin «El Chapo» Gusman qo‘lga olinganidan keyin Ebben Gusmanning raqibi — Ismayel «Al Mayo» Zambad tarafiga o‘tib ketgan. Shundan buyon u muntazam xavf ostida qolib kelayotgandi. Ammo uni «do‘stlarning» o‘zi o‘ldirgan bo‘lishi mumkin, chunki Meksika hukumati Ebbenning iziga tushib, hibsga olishni rejalashtirayotgani ma’lum bo‘lgandi.
Mark Ebben 13 fevral kuni Mexiko yaqinidagi Atisapan-de-Saragosa hashamatli sportzalidan chiqayotganida otib ketilgan. Qotillik yuz bergan vaqtda u zirhlangan Cadillac’idan bir qadam narida bo‘lgan. Meksika hukumatining ma’lumotlariga ko‘ra, jinoyatchilar harbiy politsiyadan atigi 14 daqiqa oldin harakat qilgan.
Ebbenning jasadidan AQSh Giyohvand moddalarga qarshi kurashish boshqarmasi (DEA) xodimining soxta guvohnomasi topilgan. Bu Ebbenning yagona soxta hujjati emas: u Rossiyaga YeI diplomati sifatida sayohat qilgan, Braziliyaga esa Yevropolning maxsus agenti sifatida tashrif buyurgan. U ananas qutilari ichiga yashirilgan 400 kilogramm kokain kontrabandasiga aloqador ekani aytiladi.
Eslatib o‘tamiz, 2023 yilda Meksika politsiyasi harbiylar bilan birgalikda Sinaloa narkokartelining taxminiy rahbari, narkobaron El Chaponing o‘g‘li Ovidio Gusman-Lopesni hibsga olgandi. Shundan so‘ng, narkokartel a’zolari Kuliakan shahrida tartibsizliklarni uyushtirgan edi.
Tavsiya etamiz
🔴 LIVE: OTMga kirish imtihonlari qanday o‘tadi? – Kun.uz'da qabulga oid eng muhim savollar yuzasidan jonli efir
O‘zbekiston | 10:25 / 24.06.2025
Urushga qo‘shilgan AQSh, «butun Ukraina bizniki» degan Putin – hafta dayjesti
Jahon | 18:52 / 22.06.2025
Yoz jaziramasi davom etadi: 10 kunlik ob-havo prognozi
O‘zbekiston | 17:56 / 20.06.2025
“Badavlat ayol” loyihasida kim badavlat bo‘lyapti?
Jamiyat | 21:46 / 19.06.2025
So‘nggi yangiliklar
-
Qonunchilik palatasida muxolifatning kafolatli huquqlari kengaymoqda
O‘zbekiston | 09:51
-
O‘zbekiston ayrim import tovarlariga qo‘llanadigan ikki karra bojni bekor qiladi
O‘zbekiston | 09:46
-
Zelenskiy: Rossiyalik barcha harbiy jinoyatchilar javobgarlikka tortiladi
Jahon | 09:45
-
Isroil Eron Markaziy banki va qator tuzilmalarini «terrorchilik tashkiloti» deb e’lon qildi
Jahon | 09:34
Mavzuga oid

18:43 / 10.06.2025
Meksikada 42 tonna metamfetamin musodara qilindi

23:16 / 05.06.2025
AQSh qurol ishlab chiqaruvchilari Meksikaga 10 mlrd dollar tovon to‘lamaydigan bo‘ldi

23:19 / 21.05.2025
Toshkentda Meksika va Yevropa orqali AQShga yuborishni va’da qilganlar ushlandi

15:18 / 18.05.2025