Advokat so‘rovini javobsiz qoldirgan IIV tergovchisi ma’muriy jazoga tortildi
IIV huzuridagi Tergov departamenti o‘ta muhim ishlar bo‘yicha tergovchisi Ulug‘bek Hamdamov sud qarori bilan ma’muriy jazoga tortildi. U jinoyat ishi doirasida dastlabki tergov harakatlari davomida gumonlanuvchining advokatini ishda ishtirok etishidan chetlashtirish to‘g‘risida asossiz qaror qabul qilgan. Sud uni advokatning professional faoliyatiga to‘sqinlik qilish huquqbuzarligini sodir qilgan deb topdi.
IIV huzuridagi Tergov departamenti tergovchisi Ulug‘bek Hamdamovga huquqbuzarlik sodir qilgani uchun jarima jazosi qo‘llandi. Kun.uz sud qarori bilan tanishdi.
Sud hujjatida keltirilishicha, advokat A.Akromxo‘jayev qo‘zg‘atilgan jinoyat ishi doirasida gumonlanuvchi O‘tkir Fayziyevning huquq va manfaatlarini himoya qilayotgan bo‘lgan. Ushbu shaxsga nisbatan 2024 yil 22 avgust kuni qamoqqa olish tarzidagi ehtiyot chorasi qo‘llangan.
2025 yil 16 yanvarga kelib Tergov departamenti tergovchisi Ulug‘bek Hamdamov noma’lum sabablarga ko‘ra advokat A.Akromxo‘jayevni ishda ishtirok etishidan chetlashtirish to‘g‘risida asossiz qaror qabul qilgan.
Advokat mazkur qarordan nusxa olishni so‘rab tergovchi Ulug‘bek Hamdamovga advokatlik so‘rovi yuborgan. Ammo so‘rovnomasiga javob ololmagan. Shu sababli, A.Akromxo‘jayev sudga murojaat qilib, Ulug‘bek Hamdamovni ma’muriy javobgarlikka tortishni so‘ragan.
Tegishli tartibda chaqirtirilishiga qaramay Ulug‘bek Hamdamov sud majlisiga kelmagan. Shuning uchun sud ishni uning ishtirokisiz ko‘rib chiqishni lozim topgan.
Jinoyat ishlari bo‘yicha Yakkasaroy tuman sudining 2025 yil 31 yanvardagi qarori bilan Ulug‘bek Hamdamov MJtKning 197-1-moddasida (advokatning professional faoliyatiga to‘sqinlik qilish) nazarda tutilgan huquqbuzarlikni sodir etishda aybli deb topilgan. Unga BHMning 2 baravari miqdorida, ya’ni 750 ming so‘m jarima jazosi tayinlangan.
Tavsiya etamiz
🔴 LIVE: OTMga kirish imtihonlari qanday o‘tadi? – Kun.uz'da qabulga oid eng muhim savollar yuzasidan jonli efir
O‘zbekiston | 10:25 / 24.06.2025
Urushga qo‘shilgan AQSh, «butun Ukraina bizniki» degan Putin – hafta dayjesti
Jahon | 18:52 / 22.06.2025
Yoz jaziramasi davom etadi: 10 kunlik ob-havo prognozi
O‘zbekiston | 17:56 / 20.06.2025
“Badavlat ayol” loyihasida kim badavlat bo‘lyapti?
Jamiyat | 21:46 / 19.06.2025
So‘nggi yangiliklar
-
Otasi tomonidan O‘zbekistonga olib kelingan 4 yoshli qiz Rossiyadagi onasiga qaytarildi
Jamiyat | 23:51 / 25.06.2025
-
Ispaniya sohillaridan qo‘l-oyoqlari bog‘langan besh kishining jasadi topildi
Jahon | 23:30 / 25.06.2025
-
Bloger uyida timsoh saqlab kelgani aniqlandi, O‘zbekiston Shvetsiya bilan migratsiya sohasida kelishuv imzoladi, fuqaro oqlanganidan so‘ng ham 207 kun qamoqda o‘tirdi – mahalliy dayjest
O‘zbekiston | 22:58 / 25.06.2025
-
Tramp Ukrainadagi vaziyat nazoratdan chiqib ketganini ma’lum qildi
Jahon | 22:45 / 25.06.2025
Mavzuga oid

11:17 / 18.06.2025
Ota-onasi xorijda yurgan 350 dan ziyod bolaga vasiy tayinlandi

17:38 / 05.06.2025
Toshkentda o‘zini IIV mansabdori sifati tanishtirib, pul undirmoqchi bo‘lgan advokat ushlandi

07:40 / 21.05.2025
DXX Qashqadaryoda 3 nafar advokatning firibgarlik harakatlarini fosh etdi

20:32 / 18.05.2025